chawshyen uzaq musapiliq bashqurulidighan bomba qoyup berdi

chawshyen uzaq musapiliq bashqurulidighan bomba sinaq qilip dunya jamaetchilikning naraziliqini qozghidi.

chawshyen uzaq musapiliq bashqurulidighan bomba qoyup berdi

türkiye awazi radiyosi xewiri: amérika istiratégiye qomandanliqi chawshyenning uzaq musapiliq bashqurulidighan bomba qoyup bergenlikini bildürdi.

amérika istiratégiye qomandanliqi teripidin bu heqte élan qilinghan bayanatta, amérika waqti saet 18:29da chawshyenning uzaq musapiliq bashqurulidighan bomba qoyup bergenliki qeyt qilindi.

amérika hakimiyitimu uzandin buyan dawamlishiwatqan pütkül agahlandurushlargha qarimay chawshyenning bu qilmishini eyiblidi.

aq saray dölet xewpsizlik kéngishi meslihetchisi susan rayis bu heqte yazma bayanat élan qilip, piyongyangning bu qétimqi qilmishini 6-yanwarda élip bérilghan yadro siniqidin kéyin b d t xewpsizlik kéngishining nurghun qararlirigha xilapliq qilghan «muqimliqqa ziyan béridighan we küshkürtidighan qilmish» dep teriplidi.

amérika qoshma ishtatliri tashqi ishlar ministiri jon kérriymu bu heqte élan qilghan yazma bayanatida munu ibarilerge orun ajratti: «amérika chawshyenning b d t xewpsizlik kéngishining ballistik bomba téxnologiyesini ishlitishke munasiwetlik qararlirigha xilapliq qilip élip barghan bashqurulidighan bomba siniqini qattiq eyibleydu.»

kéyinki bir ay ichide piyongyang hakimiyitining koriye yérim ariliningla emes pütkül rayonning hetta amérikiningmu bixeterlikige tehdit salidighan éghir qilmish sadir qilghanliqini éytqan kérriy, jenubiy koriye we yaponiye qatarliq ittipaqdash döletlerning mudapiesini adaqqiche qoghdaydighanliqini eskertip ötti.



مۇناسىۋەتلىك خەۋەرلەر