«rusiye xelqni bombardiman qilishni derhal toxtitishi kérek»

amérika qoshma ishtatliri tashqi ishlar ministiri jon kéri rusiye bilen beshshar esed hökümitining süriyede puqralarni bombardiman qilishni derhal toxtitishi lazimliqini éytti.

«rusiye xelqni bombardiman qilishni derhal toxtitishi kérek»

türkiye awazi radiyosi xewiri: kéri kolombiye pirézidénti menyuél sentos bilen birlikte tashqi ishlar ministirliqida ötküzülgen qoshma axbarat élan qilish yighinida qilghan sözide, süriyediki özgirishler heqqide toxtilip, rusiyening süriyediki hawa hujumlirida nariside balilar bilen ayallarnimu öz ichige alghan nurghun puqralarning hayatidin ayrilghanliqini, hetta doxturxanilar bilen aililikler rayonliriningmu bombardiman qilinghanliqini tekitlep mundaq dédi: «bezide bombardimandin kéyin ishchilar yaridarlarni qutquzush üchün kelgenliride ayropilanlar qaytip yarilanghanlarni qutquzuwatqanlarnimu öltürmekte. buninggha derhal xatime bérilishi kérek.»

rusiyening süriyege jiddiy insanperwerlik yardem eshyaliri yetküzüp bérish we puqralar nishan qilinghan hawa hujumlirini derhal toxtitish toghruluq birleshken döletler teshkilati xewpsizlik kéngishige bergen wedisige xilap qiliwatqanliqini eskertken kéri, «rusiye urush toxtitish kélishimige riaye qilishi, buni ishqa ashurush üchün söhbet ötküzüshi lazim. kimning qanchilik derijide semimiy ikenliki jenwe basquchi jeryanida otturigha chiqidu» dédi.



مۇناسىۋەتلىك خەۋەرلەر