amérika: seudi erebistanning daésh qararidin xursenmiz

amérika qoshma ishtatliri seudi erebistanning daéshqa qarshi quruqluq urushigha qatnishish qararidin xursen ikenlikini bildürdi.

amérika: seudi erebistanning daésh qararidin xursenmiz

türkiye awazi radiyosi xewiri: seudi erebistan dölet mudapie ministirliqi meslihetchisi, qoshumche yemende husiylargha qarshi küresh üchün teshkil qilinghan ereb ittipaqdash küchlirining bayanatchisi général ehmed esiyriy «‹elerebiyye› téléwiziye qanili» ning ziyaritini qobul qilghanda bergen bayanatida, seudi erebistanning zörür tépilghanda daéshqa qarshi quruqluq urushi üchün süriyege qoshun ewetishke teyyar ikenlikini éytti.

esiyriy, «ittipaqdash küchliri qobul qilghan teqdirde seudi erebistan süriyede daéshqa qarshi quruqluq urushigha qatnishishqa teyyar. chünki daéshqa qarshi peqet hawa urushila kupaye qilmaydu, shunga quruqluq urushi élip bérishqa toghra kélidu» dédi.

amérika qoshma ishtatliri dölet mudapie ministiri esh kartér seudi erebistanning térrorluq teshkilati daéshqa qarshi xelqaraliq ittipaqdash küchlirining sépide urush qilishqa qatnishish pikridin intayin xursen ikenlikini tekitlep: «kéler hepte biryussélda seudi erebistan we bashqa 25 dölet bilen bu heqte söhbet élip bérishni ümid qilimen» dédi.



مۇناسىۋەتلىك خەۋەرلەر