10.05.2016

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

10.05.2016

türkiye awazi radiyosi xewiri: «‹sabah› géziti», «mislisiz layihe üchün menilik ziyaret» serlewhilik xewiride, töwendiki melumatlargha orun ajratti: «türkiyening tereqqiy qilip, qudret tépishini xalimaydighan bir qisim küchlerning nishanigha aylanghan muhim layihelerdin istanbuldiki dunyaning eng katta layihesi shunche köp  tosalghulargha qarimay tézlik bilen dawamlashmaqta. jumhur reis rejep tayyip erdoghan % 20 si tamamlanghan yéngi ayrodurumni ziyaret qildi. bu ziyaret bir qisim küchlerge qarita muhim signalni öz ichige alatti. pütken chaghda 150 milyon yoluchigha xizmet qilidighan layihening deslepki bölümining 2018 –  yili ishqa kirishtürülüshi kütülmekte.»

«‹weten› géziti», «100 kishidin 75 i türkiyening yawropa ittipaqigha eza bolushini qollaydu» serlewhilik xewiride, töwendiki jümlilerge orun ajratti: «iqtisadiy tereqqiyat fondi jemiyitining bashliqi ayhan zeytinoghlu ‹türkiyede keng xelq ammisining % 75 i türkiyening yawropa ittipaqigha eza bolushini qolaydu› dédi.  iqtisadiy tereqqiyat fondi jemiyiti teripidin élip bérilghan ray sinash netijisige asaslanghanda, 2015 – yilqi türkiyening yawropa ittipaqigha ezaliqini qollaydighan 61.8 lik nisbet bu yil 13 nomur yuqiri örligen. % 45.4 i ezaliq arqiliq parawanliqning yenimu yüksek sewiyege yétidighaliqigha, % 35.8 ti yawropada sayahet qilish, yerlishish we oqush imkaniyitining yaxshiliqigha, % 33.8 ti kishilik hoquq mesiliside ilgirilesh hasil qilinidighanliqigha ishengenliki üchün  türkiyening yawropa ittipaqigha ezaliqini qollaydiken.»

«‹yéngi shepeq› géziti», «türkiyening iqtisadiy tereqqiyati yenimu yüksek sewiyede dawamlishidu» serlewhilik xewiride, töwendiki mezmunlargha orun ajratti: «sanaet mehsulatlirini ishlepchiqirish nisbiti bu yilning deslepki charikida % 5.6 éship, tereqqiyatning küchlük halda dawamlishidighanliqidin bisharet berdi. tereqqiyatning eng muhim namayendiliridin biri bolghan sanaet mehsulatlirini ishlepchiqirish nisbiti éksportqa asaslinidighan sahelerningmu yéqindin qollishi astida mart éyida % 4.7 ashti. yer shari xaraktérlik pul - muamile bazarliridiki we rayonluq özgirishlerge qarimay sanaet jehettin küchlük halda tereqqiy qilishi türkiyege nisbeten nahayiti zor muweppeqiyet dep qaralmaqta. bu yilning deslepki charikida ichki telepning yene küchlük qélishi, yawropa ittipaqigha éksport qilish nisbitining yaxshilinishi sanaet mehsulatlirini ishlepchiqirishtiki éshishning muhim amilliri dep qaralmaqta.»

«‹sitar› géziti», «chégra rayonlirigha uchquchisiz ayropilanlar kélidu» serlewhilik xewiride, töwendiki jümlilerge orun ajratti: «bash ishtab bashliqi hulusi aqar körüsh küchi we heriket iqtidarigha munasiwetlik sinaqliri dawamlishiwatqan uchquchisiz ayropilanlarning yéqinda ishlitilishke bashlinidighanliqini eskertti. uchquchisiz ayropilanlar bolupmu hawa sharaiti nachar ehwallarda sinaqlardin muweppeqiyetlik ötti, bu jehette amérikining uchquchisiz ayropilanlirining aldigha ötüp ketti.»

«‹xewer türk› géziti», «uzunderede sayahetni janlandurush pilani» serlewhilik xewiride, töwendiki bayanlargha orun ajratti: «‹dunyadiki tinch sheherler qamusi› gha kirgüzülgen erzurumning uzundere nahiyesi ishqa ashurulghusi yéngi sélinma layiheliri arqiliq sayahetni tereqqiy qildurushni pilanlimaqta. minglarche yilliq tarixqa we tebiiy güzelliklerge ige bolghan uzunderede ziyaretchiler üchün yéngi jezbidarliq nuqtiliri berpa qilinidu. türkiyening eng égiz sharqiratmisigha ige uzunderede 11 kilométir uzunluqtiki tebiiy bir köl bolghan tortum köli we bu köldin sizghan sulardin shekillengen köller bar bolup, gürziler teripidin tarixiy étiqad merkizi süpitide qobul qilinidighan öshwank manastiri, tarixiy qeleler we shapel yadikarliqlirimu ziyaretchilerni özige jelp qilmaqta.»

 


خەتكۈچ: 10.05.2016

مۇناسىۋەتلىك خەۋەرلەر