türkiye metbuatlirida bügün

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün

sabah géziti, « F-16urush ayropilanliri zerbe berdi, tiransporot yoli késildi» serlewhilik xewiride munu uchurlargha orun ajratti: 
aldinqi yili iyul éyida chare basquchi herikitige buzghunchiliq qilghan térrorluq teshkilati p k k éghir zerbige uchridi. F-16 urush ayropilanliri qandilge nurghun qétim hawadin hujum qildi. térrorluq teshklatigha tewe bina, qoral iskilatliri we mükünidighan jayliridin bashqa yene, kündilik turmush boyumliri ishlepchiqiridighan zawutliri we tiransport yollirimu pachaqlap tashlandi. amanliqni saqlash menberliridin igilengen melumatlargha köre, térrorchilarning toqumuchiliq zawutliridin bashqa yene, yémek - ichmek we kéyim - kéchek saqlaydighan ambarlirighimu ejellik zerbe bérildi. teslim bolghan térrorchilar toqumchiliq zawutlirining türkiye urush ayropilanliri teripidin pütünley pachaqlap tashlanghanliqini éytti. térrorchilar yene kéyim tékidighan rextlerni süriyening shimalidiki lagirlardin ulaghlargha artip qandilge élip kélishidighanliqini bildürdi. 
xeber türk géziti, «helebge ölüm yaghmaqta» selewhilik xewiride munularni qeyt qildi: 
heleb emdilikte süriye ichki urushining asasliq merkiziy firontigha aylinip qaldi. süriye hökümiti gunahsiz puqralarni sheherdin qughlap chiqirish üchün hawadin bombardiman qilmaqta. birleshken döletler teshkilati süriye alahide wekili sitaffan de mistura yéqinqi 48 saet ichide her 25 minutta bir süriyelikning öliwatqanliqini, her 13 ménutta bir kishining yaridar boluwaqtanliqini, urush toxtitish kélshimining buzulush aldida turghanliqini bildürüp, amérika we rusiyeni urush toxtitish kélishimini saqlap qélish üchün eng yuqiri sewiyede heriketke utushke chaqiriq qildi. 
hörriyet géziti, «sü üsti qolwaq méhmanxanisi egede ishqa kirishti» serlewhilik xewiride munularni ortaqlashti: 
déngiz sayahitining muhim merkezliridin biri bolghan marmaris qoltuqida «sü üsti kéme méhmanxanisi» dep nam bérilgen yaghach kémiler sayahetchilerge mulazimet qilishni bashlidi. sayahet mewsimining bashlinishi we hawaning issishigha egiship, yaghach kémilerge qiziqidighan sayahetchilerningmu sani ashti. nurmalda 1 yaki 2 heptilik déngiz sayahitige chiqidighan yaghach kémiler aliy derijilik méhmanxanilargha oxshash bézelgen bolup, her qaysi kabinliri we bölümchiliri bilen sayahetchilerge tolimu hozurluq bir tetil mulazimiti sunidu. téléwiziye, inétrnét, téléfon, éléktironluq oyun muzimetlirinimu öz ichige alghan yaghach kémilerde yene, déngiz astigha shungghush we qéyiqchiliq qatarliq déngiz tenterbiye türliri mulazimitimu bar.
weten géziti, «obamani kechlik kéyimi bilen qarshi alghan shahzade géorgi» serlewhilik xewirde munu uchurlargha alahide orun ajratti:
amérika pirézidénti barak obama aldinqi hepte 3 künlük ziyaret üchün engiliyege yétip bardi. obama londondiki uchrishishliri dairiside xanimi méchel obama bilen birlikte engiliye padishahining ikkinchi text warisi kambirj duku we ayali kate bilen körüshti. kisinggiton sariyida kechlik ziyapetke qatnashqan obamaning shahzade géorgi bilen tunushqan waqti, ziyaret jeryanidiki eng köp diqqet tartqan ehwalgha aylandi. kichik shahzadining kechlik kéyimliri bilen obamani qarshi alghan resimi ijtimaiy taratqularda eng köp talash – tartish qilinghan téma boldi. 
sitar géziti, «türk kültürige ashiqmiz» serlewhilik xewiride munu uchurlarni ortaqlashti: 
«zach kondo»ning qorghuchisi we oxshash bolmighan kültürlerge mensup muzikatlardin teshkil tapqan hemde muzikilirning supitining yuquriliqi bilen nam chiqarghan «indéy muzika» guruppisi 11 - sintebirde bazargha chiqarghan «No No No» namliq yéngi muzika albomini tunutush sayahiti dairiside, türkiyege kélidighan boldi. gherbiy yawropa we balqan muzikilirini özilirining muzikilirigha singdürgen we folkilor muzikilar bilen jaz muzikisini özgiche uslubta birleshtürgen «indéy muzika» guruppisi, 28 – may küni istanbulda chong konsirt béridighan boldi.



مۇناسىۋەتلىك خەۋەرلەر