erdoghan wodafon tenterbiye meydanining échilishida lénta kesti

dölitimiz jumhur reisi rejep tayyip erdoghan beshiktash gimnastika kulubining«wodafon tenterbiye meydani» ning échilishigha qatniship, lénta kesti.

erdoghan wodafon tenterbiye meydanining échilishida lénta kesti

türkiye awazi radiyosi xewiri: jumhur reis rejep tayyip erdoghan türkiyening 13 yilda 659 qétim xelqaraliq tenterbiye paaliyetlirige sahibxanliq qilip, bu sahediki üstünlükini namayan qilghanliqini éytti. u istanbulda beshiktash gimnastika kulubining «wodafon tenterbiye meydani» ning échilishigha qatnashti.

u oxshimighan sheherlerde yene 14 dane tenterbiye meydanining yasiliwatqanliqini, toqquz tenterbiye meydanigha munasiwetlik téxnika jehettiki teyyarliqlarning dawamlishiwatqanliqini eskertip, qisqa waqit ichide ularning qurulushiningmu bashlinidighanliqini bildürdi.

jumhur reis rejep tayyip erdoghan sözide, türkiyediki kespiy tenheriketchiler sanining 278 mingdin 6 milyon 225 minggha, tenterbiye kulubi sanining 6 mingdin 14 minggha chiqqanliqini qeyt qildi. u olimpik tenheriket yighinliri üchün tenheriketchilerni yétishtürüsh we ul – eslihe qurulushi mesiliside, muhim musapilerni bésip ötkenliklirini bildürdi. u erzurumdin antalyaghiche, trabzondin mersingiche bolghan nurghun sheherlerde xelqaraliq tenterbiye musabiqiliri ötküzüsh jehette, muhim tejribe – sawaqlarning yekünlinip, nurghun ul – eslihe qurulushlirining sélinghanliqini eskertti.



مۇناسىۋەتلىك خەۋەرلەر