türkiye metbuatlirida bügün 24.05.2014

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 24.05.2014

«‹sabah› géziti», «pütüley ichki urush» serlewhilik xewiride, rusiye pirézidénti wladimir putinning ukrainaning sherqiy qismida barghanséri ewj élip kétiwatqan zorawanliq heriketlirining döletni «pütüley ichki urush» patqiqigha sörep kiriwatqanliqini éytqanliqini yazdi. gézit, ukrainadiki pirézidént saylamliridin ikki kün burun bu heqte toxtalghan putinning, rusiyening qirimgha mudaxilisi bilen bu yerde oxshash bir ehwalning otturigha chiqmighanliqini ilgiri sürgenlikini eskertti. gézitning xewiride, kiyéw hökümitining bolsa «musteqil we démokratik bir ukraina üchün awaz bérishke qatnishing» chaqiriqini ishqa kirishtürgenliki qeyt qilindi.
«‹yéngi shepeq› géziti», misir dölet xewpsizlik küchlirining musulman qérindashlar teshkilatining 57 neper ezasini qolgha alghanliqini yazdi. gézitning xewiride, dölet xewpsizlik küchlirining paytext qahirening jenubidiki helwan we qahirening misrul jedid (yéngi misir) mehelliside ikki nishangha basturup kirip, 11 kishini qolgha alghanliqi qeyt qilindi.
«‹zaman› géziti», birleshken döletler teshkilati xewpsizlik kéngishining nigériyediki el qaide bilen chétishliqi bar boko haram térrorluq teshkilatini qara tizimlikke kirgüzgenlikini yazdi. gézit, 250 tin artuq qiz oqughuchining görüge éliwélinish weqesidin besh hepte kéyin élinghan qarar arqiliq boko haram teshkilatigha bir qatar émbargolarning yürgüzülidighanliqini oqurmenliri bilen ortaqlashti.
«‹ milliyet› géziti», siyasiy we iqtisadiy sahelerde chiriklik qilmishlirigha qattiq zerbe bériliwatqan junggoda, kanchiliq saheside paaliyet élip baridighan xen long guruhi shirkitining xojayini we döletning sanaqliq bayliridin lyu xen we qérindishining qara jemiyet tüsini alghan teshkilatni teshkillesh, bash bolush we qatnishish qatarliq jinayetler bilen eyiblinip ölümge höküm qilinghanliqini yazdi. gézit, sot mehkimisining xen long guruhi shirkitining xojayini lyu qérindashlarning mal - mülüklirini musadire qilghanliqini oqurmenliri bilen ortaqlashti.
«‹ hürriyet› géziti», «söyüp salam bérishke qamcha bilen jaza bérish telipi» serlewhilik xewiride, iranda hizbullah oqughuchiliri namliq bir guruppining iran sot mehkimilirige iltimas sunup, firansiyediki kan filim féstiwali jeryanida bahalash heyitining bashliqining éngikidin söyüp salam bérishining muhapizikarlarning qattiq naraziliqini qozghighan iranliq artis leyla xatemining, xelqning aldida qamchilinip, türmige tashlinish jazasi bérilishini telep qilghanliqini yazdi. gézitning xewiride, bahalash heyitining bashliqi jil jéykébning xatemi bilen söyüshüp salamlishishida yaman niyitining yoqluqini we «nahayiti normal we adettiki gherb enenisige naraziliq bildürüshning héchqandaq ehmiyiti yoq» dégen sözliri neqil keltürüldi.


خەتكۈچ:

مۇناسىۋەتلىك خەۋەرلەر