türkiye metbuatlirida bügün 16.05.2014

türkiye metbuatlirida bügün 16.05.2014

türkiye awazi radiyosi: «sabah géziti», türkiyeni matemge chömdürgen kömür kéni pajiesi yüz bergen somani ziyaret qilghan dölitimiz jumhur reisi abdullah gülning bayanatlirigha orun ajratti.
gézitning xewiride, abdullah gülning: «bu yerge dertlerge derman bolush üchün kelduq. her bir ailining, her bir jan igisining dertliri hemmimizning dertidur. dertke derman bolush üchün hemmimiz birlikte bolushimiz we ittipaqlishishimiz kérek» dégenliki qeyt qilindi.
xewerde, abdullah gülning köz yashlirini nahayiti teslikte tutqanliqi eskertildi.
«milliyet géziti», somadiki pajiedin kéyin rayongha yétip barghan abdullah gülning, birinchi bolup akhésar döletlik doxturxanida dawaliniwatqan yaridarlarni birmu bir ziyaret qilghanliqini xewer qildi.
xewerde, kömür kénidiki tekshürüshtin kéyin bayanat élan qilghan abdullah gülning, qayghudin awazining özgergenliki eskertildi.
«star géziti», somada kan pajiesi yüz bergendin kéyin, dunyaning herqaysi jayliridin türkiyege teziye télégrammiliri yaghqanliqini xewer qildi.
xewerde, ezerbeyjanda bayraqlarning yérim chüshürülgenliki we köpligen döletlerde pajiede hayatidin ayrilghanlar üchün dua qilinghanliqi bildürüldi.
«yéngi shepeq géziti», türkiyening ezerbeyjan paytexti bakudiki elchixanisida somadiki pajiede hayatidin ayrilghanlar üchün xatirilesh murasimi ötküzülgenlikini élan qildi.
gézitning xewiride, murasimdin kéyin ötküzülgen axbarat élan qilish yighinida söz qilghan ezerbeyjan muawin bash ministiri abid sherifowning köz yashlirini tutalmighanliqi qeyt qilindi.
xewerde, sherifowning: « bu biz üchün chong balayi – qazadur. yéqinliridin ayrilip qalghan türk qérindashlirimizgha sewr tileymiz. allah rehmet qilsun, bundaq balayi – qaza türk xelqining dölitide yene yüz bermisun, allah ulargha rehmet qilsun, qebriliri nurgha chömülsun» dégenliki qeyt qilindi.
«xeber türk géziti», «kebide qollar soma üchün kötürüldi» serlewhilik xewiride, ömre qilish üchün seudi erebistanning mekke shehirige barghan türkiye puqralirining, somadiki pajiede hayatidin ayrilghanlar üchün dua qilghanliqini élan qildi.
xewerde, bundaq balayi – qazalarning yene yüz bermesliki üchün dua qilghan hajimlarning kebe aldida quran tilawet qilghanliqi eskertildi.


خەتكۈچ:

مۇناسىۋەتلىك خەۋەرلەر