türkiye metbuatida bügün 21.05.2014

bügünki türkiye gézitliridin tallap teyyarlighan xewerlirimizning qisqiche mezmunliri töwendikiche:

türkiye metbuatida bügün 21.05.2014

hörmetlik radiyo anglighuchilar! töwende bügünki türkiye gézitliridin tallap teyyarlighan muhim xewerlirimizning qisqiche mezmunlirini huzurunglargha sunimiz.
yéngi shepeq géziti «türkiye bosna-girétsigowéna üchün seperwer boldi» serlewhilik xewiride, kéyinki 120yildin buyan yüz bergen tebiiy apetler ichide eng chong apet hésablinidighan sel we tagh ghulap chüshüsh hadisilirining milyonlarche ademge tesir körsetkenlikini bildürdi. gézit késellik xewpi bash kötürgen bosna-girétsigowénagha yardem bérish üchün türk qizilay jemiyiti we bash ministirlik apetke taqabil turush idarisi bolup pütkül türkiyening seperwer bolghanliqini qeyt qildi. gézit yardemlerning türk hemkarliq we tereqqiyat agéntliqining yük mashiniliri bilen mohtajlargha yetküzüp bérilgenlikini oqurmenliri bilen ortaqlashti.
watan géziti «türkiye 4%tin artuq zoriyidu» serlewhilik xewiride, iqtisad ishliri ministiri nihat zeybekchining ishlepchiqirish wasitilirining tereqqiy qilishi we éksportning türtkisi bilen türkiye iqtisadining bu yil 4% zoriyidighanliqini éytqanliqini yazdi. gézit, zeybekchining xelqara pul fondi teshkilati, dunya bankisi qatarliq xelqaraliq organlarning iqtisadi güllinish jehettiki texminlerning nisbitini yuqiri kötüridighanliqlirini éytqanliqini bildürdi, xewerde türkiyening bu yilning birinchi peslidiki iqtisadi güllinishining bulturqining oxshash mezgilige sélishturghanda téximu ashidighanliqini éytqanliqi qeyt qilindi.
haber türk géziti « F-135 tipliq motor üchün niyet mektupi imzalandi» serlewhilik xewiride mudapie sanaet idarisining Pratt&Whitney (P&W) shirkiti bilen F-35 tipliq ayropilanlarning matorliri üchün qurashturush liniyisi we rémunt tesislirining türkiyede qurulushi üchün niyet mektupi imzalighanliqlirini yazdi. gézit türkiye mudapie sanaet idarisining melumatigha asaslinip bergen xewiride, mezkur niyet mektubining amérika qoshma ishtatliri testiqlighan teqdirde Pratt&Whitney (P&W) shirkiti bilen uzun mezgil hemkarliq ornitilidighanliqini qeyt qildi. gézit niyet mektubining türkiyening ortaq hujumchi ayrupilan programmisini qollash, shundaqla Pratt&Whitney (P&W) shirkitining türkiyege bolghan ishenchisini körsitip béridighanliqini oqurmenliri bilen ortaqlashti.
sabah géziti«man ishlepchiqirishini türkiyede élip baridu» serlewhilik xewiride, gérmaniye yük mashinisi ishlepchiqarghuchisi manning, gérmaniyediki aptubus zawutini taqiwétip, ishlepchiqirishni türkiyege yötkeydighanliqini yazdi. gézit man shirkitining melumatqa asaslinip bergen xewiride, gérmaniyening piliun shehiride sheherlerara qatnash we ammiwi xizmetler üchün ishlepchiqirip kéliniwatqan aptubuslarni qurashturush xizmetlirining 2015-yili marttin bashlap enqerede élip bérilidighanliqini yazdi.
hürriyet gézitining iqtisadi sehipiside «ortaq dölet türkiye» serlewhilik xewiride, türkiyening «ortaq dölet» salahiyiti süpitide eza bolghan xelqara awiatsiye yermenkisining gérmaniyening bérlin shehiride échilghanliqini bildürdi. gézit, yermenkining échilish murasimining gérmaniye bash ministiri angéla mérkél bilen qatnash déngizchiliq we alaqe ishliri ministiri lutfi elwan teripidin birlikte échilghanliqini qeyt qildi. xewerde, yermenkige 40 dölettin 1200 shirketning qatnashqanliqi bildürüldi.
aksham géziti «b d t ge qarashliq ösmürlerge yardem fondi yaxshi niyet elchisi tuba» serlewhilik xewiride, meshhur kino cholpini tuba büyüküstünning b d t ösmürlerge yardem fondigha yaxshi niyet elchisi bolup saylanghanliqini qeyt qildi. gézit, dangliq kino cholipining bu dairide ösmürlerning mesililirige we hel qilish yolliri üstide qarashlirini bayan qilip ötkenlikini yazdi.


خەتكۈچ:

مۇناسىۋەتلىك خەۋەرلەر