«gérmaniyelik komédiye artisi heddidin ashti»

gérmaniye xiristiyan démokratlar birliki parlamént ezasi détléf séyf komédiye artisi jan böhmérmanning jumhur reis rejep tayyip erdoghangha haqaret qilinghan shéiri arqiliq pikir erkinliki jehettin heddidin ashqanliqini éytti.

«gérmaniyelik komédiye artisi heddidin ashti»

türkiye awazi radiyosi xewiri: fédéral mejliste jaza qanunining haqaret jinayiti maddisi muzakire qilinghan yighinda söz qilghan séyf komédiye artisi jan böhmérmanning shéirining insan shan – sheripini ayagh asti qilidighan mezmunlarning barliqini, buning haqaret yaki emeslikige sot mehkimisining qarar bérishi lazimliqini qeyt qildi.

séyf bir qisim öktichi parlamént ezalirining shéirni pikir erkinliki dairiside analiz qilish qarishigha naraziliq bildürüp: «eslide bundaq qilish niyitim yoq idi, emma mezmunining qandaqliqini hemme chüshinishi üchün shéirni oqup ötimen» dédi we shéirni bashtin – axir oqughandin kéyin mundaq dédi: «shéirda bir kishining shan - sheripini ayagh astin qilidighan mezmunlar bar bolup, buning pikir erkinliki yaki emeslikige sot mehkimisi qarar béridu. partiyimizning rehbiri bash ministir angéla mérkélning jinayi ishlar qanunining 103 – maddisi we türkiyening telipige asasen komédiye artisi jan böhmérman üstidin tekshürüsh élip bérishqa ruxset qilishini toghra qarar dep qaraymen.»

öktichi partiyelerning jinayi ishlar qanunining chet el rehberlirige haqaret qilghuchilarning tégishlik jazagha tartilishigha munasiwetlik 103 – maddisining derhal bikar qilinishini telep qilghan séyf bu madda jinayi ishlar qanunidin chiqiriwétilgen teqdirdimu jumhur reis erdoghanning böhmérman üstidin sotqa sunghan erzining bikar qilinmaydighanliqini bildürdi, chünki erdoghanning jinayi ishlar qanunining 185 – maddisigha asasen böhmérman üstidin sotqa erz sunghanliqini eskertti.



مۇناسىۋەتلىك خەۋەرلەر