06.04.2016

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

06.04.2016

türkiye awazi radiyosi xewiri: gérmaniye xewer agéntliqi DEUTSCHE WELE (DW) munularni xewer qildi: erdoghan amérika qoshma ishtatlirigha qilghan zeyariti jeryanida islam düshmenlikige naraziliq bildürdi. jumhur reis erdoghan amérika qoshma ishtatliridiki uchrishishliri dairiside türken fondi jemiyiti teripidin türkiye – amérika medeniyet merkizide ötküzülgen paaliyette uniwérsitét oqughuchiliri bilen bir yerge jem boldi. erdoghan bu yerde qilghan sözide, bir qisim jemiyetlerning türkler we islamgha qarshi düshmenlik heriketliri bilen shughulliniwatqanliqini eskertip mundaq dédi: «bezi jemiyetler bolupmu akadémik wasitilerdin paydilinip, 1915 – yilqi weqelerni bahane qilip, türkler we islamgha qarshi düshmenlik heriketliri bilen shughullanmaqta. ‹osmanli impériyesi› gheyriy musulmanlarni yoqitish pilanigha asasen ermenlerni qetle qilghan› dégendek yalghan – yawidaqlarni toqup chiqiwatqan bu jemiyetlerge nezer tashlighinimizda, ularning islam düshmenliki mesiliside birleshkenlikini körimiz. halbuki, osmanli impériyesining insanlarni qetle qilish, yoqitish pilani bolghan emes. biz ejdadlirimizning shenige dagh tekküzüsh qilmishlirini esla qobul qilalmaymiz.»

firansiye xewer agéntliqi AFP munularni xewer qildi: türkiye xelqining séxiyliqi ademning eqlini lal qilidu.

bash ministir dawutoghlu bilen dunyagha dangliq U2 naxsha – muzika etritining érlandiyelik muzikanti bono otturisida yekshenbe küni ishqa ashqan uchrishishtin kéyin bash ministirliq mehkimisining intérnét tor bétide élan qilinghan bir widéogha asaslanghanda, uchrishishta bono türkiyening musapirlarni kütüwélish mesiliside dunyada aldinqi qatarda turuwatqanliqini tekitlep mundaq dégen: «türkiyening ishlewatqan xizmiti adettin tashqiri bir ish, bir edeb dersidur. jümlidin türkiye achqan mektepler pütün dunyagha ders bolup qalghusi. pütkül dunya türkiyening bu séxiyliqini tonup yétishi, qimmitini bilishi kérek.»

bash ministir dawutoghlu mundaq dégen: «türkiye urushtin qéchip panahliq tiligen méhmanlarni baghrigha basqandin buyan dölitimizde ereb xelqige, jümlidin süriyeliklerge qarshi kichik tiptiki bolsimu birer namayish ötküzülüp baqmidi.»

bulghariye radiyosi BNR munularni xewer qildi: taghliq qarabaghdiki toqunush sofiyeni biaram qilmaqta.

bulghariye tashqi ishlar ministirliqi taghliq qarabagh rayoni mesiliside erméniye bilen ezerbeyjan otturisida qaytidin bashlanghan sürkilishtin endishe qiliwatqanliqini eskertish bilen bir waqitta, tereplerni qoral küchi ishlitishtin waz kéchishke chaqirdi hemde mesilini yawropa bixeterlik we hemkarliq teshkilatigha qarashliq minsk guruppisining muressechiliki we yawropa ittipaqining yardimi astida hel qilish mumkinchikilikining barliqini tekitlidi.


خەتكۈچ: 06.04.2016

مۇناسىۋەتلىك خەۋەرلەر