chet el metbuatlirida bu hepte: 09.03.2016

bü heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

chet el metbuatlirida bu hepte: 09.03.2016
gérmaniyede chiqidighan « Bild »géziti türkiye-yawropa ittipaqi aliy derijilikler yighinigha orun ajratti: «kirzisqa munasiwetlik aliy derijilikler yighini arqa-arqidin ötküzülmekte, biraq yawropa döletliri musapirlar kirzisni hel qilishtin ajiz kelmekte. ular bu mesilide birdeklik hasil qilalmidi. yawropa ittipaqi bilen türkiye otturisidiki ötküzülidighan aliy derijilikler yighinimu bu ehwalni özgertelmeydu. biraq yaxshi bashlinish bolushi mumkin, türkiye yawropagha kétidighan köchmen dolqunining aldini alalisa we siyasi panahliq tilesh salahiyiti bolmighanlarni qayturup alsa yenila muhim özgirish hésablinidu. hemmidin awal urush we térrorizim sewebidin yurtliridin qéchishqa mejbur bolmighanlar türkiyege qayturétilishi kérek. aliy derijilikler yighinliri yene yawropa ittipaqining ajizliqini körsitip béridu. türkiye xalisa musapirlargha yawropa bérishigha tosalghu bolmaydu, xalisa tosalghu bolidu. biryussél bilen yawropa ittipaqi döletliri türkiyening yaxshi niyitige éhtiyaji bar. dunyawi küchke ige ikenlikini ilgiri sürüp kéliwatqan yawropa ittipaqining muhtaj halgha chüshüp qélishi yaxshi ehwal bolmisimu, musapirlar kirzisi mesiliside yawropa mushundaq qilishqa mejbur bolup qaldi.»
irandiki irna agéntliqi munu xewerni oqurmenlirining diqqitige sundi: «iran türkiyediki xususiylar igidarchiliqidiki karxanilargha hemkarliq ornitishni teklip qildi, iran soda-sanaet, meden we yéza-igilik uyushmisi bashliqi mosén jelalpur, iran we türkiye zéminlirida hemkarliq ornitishni otturigha qoydi. jelalpur irangha yéngi téxnologiyelerning köplep kirishi kéreklikini, irangha mal sétishning ornigha türkiye-iran munasiwetlirini kücheytishni asas qilghan halda soda munasiwetliri élip bérish lazimliqini, bu dairide öz-ara meblegh sélishning muhimliqini éytti.»
engliyede chiqidighan pul-muamile waqit géziti «yawropa ittipaqi bilen türkiye bösüsh xaraktérlik köchmenler kélishimi imzalashqa teyyarlanmaqta» serlewhilik xewiride munularni yazdi: «yawropa ittipaqi rehberliri düshenbe küni ötküzülgen aliy derijilikler yighinidin ilgiri otturigha qoyulghan türkiye-gérmaniye kélishim layihesidin tolimu heyran qaldi. biraq 12 saetlik söhbetlerdin kéyin kéler hepte tamamlinishi mölcherlengen kélishimning layihesi otturigha chiqti.»
gérmaniyede chiqidighan DPA géziti munu uchurlarni oqurmenliri bilen ortaqlashti: «yawropa ittipaqi parlaménti bashliqi martin sichulizning sözlirige asaslanghanda, türkiye yawropaliqlardin 2018-yilghiche yene üch milyard yawro telep qilghan. sichuliz bu heqte toxitilip yawropa ittipaqi-türkiye aliy derijilikler yighini esnasida "türkiyening üch milyard yawro telep qilishini muzakirige qoyduq"dédi. sichuliz enqeredin telep qilinghan pulningmu türkiyediki musapirlar üchün ishlitilidighanliqini tekitlidi. mölcherlerge qarighanda, türkiyede 2 milyon 700 musapir yashimaqta iken. yawropa ittipaqi parlaménti bashliqi yawropa ittipaqining pulni jemlesh üchün qaytidin yighin chaqirishqa mejbur bolup qalghanliqini éytti. sichluz yawropa ittipaqi xamchotini bashquridighan yawropa parlaméntining buninggha teyyar ikenlikini ipade qildi.»


مۇناسىۋەتلىك خەۋەرلەر