ت.ر.ت حاقیندا

ماقصاتلاری

ت.ر.ت حابار، حالق کؤپچولیگینینگ یوردونگ ایچینده و داشاری یورتلاردا ایقدیصادی، مدنی، عیلمی، تکنیکی و صونغات تایدان بولوپ گچیأن واقالارحاقیندا ایزگیدهرلی، دوغری، چالت و قاناغاتلانارلی حابار آلماغینی، یوقاری قاتناشیقلی دموکراسی و حقوغینگ اوستونلیگینه لاییقلیقدا حالق کؤپچولیگینینگ؛ حاقیقاتلاری اؤوره نمهسی، ارکین و ساغدین عامالا گلمهگینی، دموکراتیک جمغییتده کؤپلوچولیگینگ نیغتالماغینی، دورلی پیکیرلرینگ بیان ادیلمگینه مومکینچی‌لیک دؤرهدیأن آکتوال تما‌لاردا، دورلی گؤرنوشده آنالیز ادیلیأن مسئله لرده جمغییته ماغلومات بریلمگینه قوشانت قوشماغی ماقصات ادینیأر.

حابارچیلیک یؤرِه لگهلری

حابارلاری و واقالاری چالت و دوغری گؤرنوشده یتیرمک. گرهک بولان حالاتیندا مؤهوم ایچرکی و تـﯚرکییأنی قیزیقلاندیریان داشارقی واقالاربارادا هونأرمنلرینگ آنالیز برمگینی یولا قویماق.

تـﯚرکیه رئسپوبلیکاسینین میللی جبیس‌لیک و عدالت دوشونجهسینینگ چأگینده، آدام حقوقلارینا اساسلانیان، دموکراتیک، دنیوی وسوسییال حقوق دؤولتی اغتبارینی گویچلندیریأن قاراییش‌لارا گینگیشلیین یر برمک.

تـﯚرکیه ده، تـﯚرکی دیللی دؤولت دیر حالق‌لاردا، دونیأده بولوپ گئچیأن واقالارا حابار بولتن لرینده دووره باپ یایلیمچیلیق دوشونجسینه لاییقلیقدا، تاراپسیز گؤرنوشده یر برمک. مؤهوم واقالاری گینگیشلهیین آنالیز ادیأن حابار گپلهشیک لرینی تاییارلاماق. جمغیتده یالنگیش پیکیر دؤردیپ بیلجک، جمغییته مِچو برجک حابارلارا و حابار گپلهشیکلرینه یر بریلمز.

حابار بولتنلرینی و حابار گپلهشیکلرینی موضولارینگ چأگینده، کونستیتوتسیون قورامادیر ادارالارینگ آراسیندا تاپاووت قویمازدان بیتاراپلیک، دوغریلیک و چالت دهپگین‌لی بولماق یؤرِلگِلهرینه لاییقلیقدا، مومکینچیلیکلره گؤرأ رادیو اوچین آیری، تله ویدنیا اﯚچین آیری طاییارلاماق.

دؤولتینگ سیاسی، ایقدیصادی و جمغیتچی‌لیک ایشلری بارادا، رایاتلارینگ قاراییشلارینی هم بیان ادیأن پراکتیکا‌لارا یر برمک.

حالق‌لارا حابار قوللوقلاری بیلن قاتناشیق ادیلیأرکأ، داشاردا آلینیان حابارلاری یرلی حابار قوللوقلاری و ت.ر.ت- نینگ اؤز چشمه لری تاراپیندان تاصصیقلاماغا آلادا ادمک. حابارلاری، حابار قوللوقلاریندان گلیشی یالی دأل، ایسهم، دوره باپ حابارچیلیغینگ طالابینا لاییقلیقدا آنالیز ادیلندهن سونگ، برمک.

ت.ر.ت-نینگ حابار بولتنلرینده و حابار گپلشیکلهرینده، تـﯚرکیأنی و دونیأنی قیزیقلاندیریان یا-دا دوره باپ جمغیتینگ آغضالارینینگ اونسینی چکجک واقالاری حالق کؤپچولیگینه بیتاراپ گؤرنوشده یتیرمک.

حابار بولتنلرینده و حابار گپله شیکله رینده، یایلیم اولاغینینگ آیراتینلیغینا لایق بیان ادیش اوصوللاریندان پیدالانیلار، حابار بولتن لرینده اؤنگونده ن کسگیتلهنن مییلنامالارینگ یرینه حابارچیلارینگ گؤنی یایلیمدا بره ن حابارلارینینگ دینامیکی آکیمدا بریلمگینی اوپجون اتمک. تلویزیون دا سیوجت، افکت، گرافیکا و آنیماسیا گینگیشلهیین یر برمک. آرشیودان آلینان تصویرلر پیدالانیلان ماحالی حؤکمانی صوراتدا “آرشیو” فرازاسینی اولانماق.

حابارلاردا؛ کوممنتاریلهره و غاراییش‌لارا-دا یر برمک. حابار بولتنلرینده حأضیرکی واغتدا و گلجکده حالقارا قاتناشیق‌لارا زیان یتیریپ بیلجک سیاسی هم-ده ایدئولوگیک آنالیزلار برمزلیک، حاباردیر آنالیزلارینگ نیرهدن آلناندیغینی بیان اتمأگه اﯚنسلی چمهله شمک.

قاتی آز سانلی آدامی یا-دا کیچیجیک سبیتی (منطقه نی) قیزیقلاندیریان بادالغا برمک، آچیلیش داباراسینی قوراماق، دیپلوم قووشوروشو شونگا منگزش تمالارداقی حابارلاری قیزیقلانیانلارینگ موقدارینا گؤرأ تاییارلاماق. پروتوکول حابارچیلیقینینگ چأگینی قووی کسگیتله مک.

سیاسی حابارلاردا و حابار پروگراممالاریندا بیتاراپلیغا، دوغریلیغا و آکتواللیغا آیراتین اﯚنس‌لی چملهشمک. سیاسی پارتییالارینگ بیاننامالاری قیسغالدیلیپ آلینان ماحالی بولسا بیاننامانینگ ماقصادینی و اؤزنینی ییتیرمزلیک.

بیر تاراپلی و تاراپ توتیان یایلیم برمزلیک. هایسیدیر بیر سیاسی پارتییانینگ، توپارینگ، بأحبیت توورهگینینگ، دینی اینانجینگ یا-دا پیکیرینگ بأحبیتلهرینه سریشده بولمازلیق. قانون تاراپیندان حؤکوم بریلیأنچأ هیچ کیمی گـﯚنأکأر حؤکمونده ایغلان اتمزلیک.

سیاسی، ایقتصادی و جمغیتچی‌لیک ایشلر بارادا حالقینگ قاراییشینینگ کسگیتلنمه گی و اونونگ دؤولت ایچیلیگینه یتیریلمگی اوچین ایش آلیپ بارماق، رپورتاژ، فوروم، پانل و بیلهکی قوراماچیلیقلی ایشلره یر برمک.

ت.ر.ت حابار حاقیندا گینگشلهیین ماغلومات آلماق اوچین: www.trthaber.com