اردوغان ایله پوتین تورک آخیم پروژه‌سی‌نین سون مرحله‌سینه قاتیلیب

اردوغان، روس گازینی قارا دنیز و تورکیه اوزرین‌دن آوروپایا داشییا‌جاق تورک آخیم پروژه‌سی‌نین تکجه تورکیه اوچون دئییل، قونشولار و بؤلگه اوچون ده بیر چوخ اوستون‌لوگو ائتدیگینی دئییب

اردوغان ایله پوتین تورک آخیم پروژه‌سی‌نین سون مرحله‌سینه قاتیلیب
اردوغان ایله پوتین تورک آخیم پروژه‌سی‌نین سون مرحله‌سینه قاتیلیب
اردوغان ایله پوتین تورک آخیم پروژه‌سی‌نین سون مرحله‌سینه قاتیلیب

اردوغان ایله پوتین تورک آخیم پروژه‌سی‌نین سون مرحله‌سینه قاتیلیب

تورکیه جمهور باشقانی رجب طیب اردوغان، روس گازینی قارا دنیز و تورکیه اوزرین‌دن آوروپایا داشییا‌جاق تورک آخیم پروژه‌سی‌نین تکجه تورکیه اوچون دئییل، قونشولار و بؤلگه اوچون ده بیر چوخ اوستون‌لوگو ائتدیگینی دئییب.

تورک آخیم پروژه'سی دنیز حیسه‌سی‌نین تاماملانماسی موناسیبتیله پرزیدنت رجب طیب اردوغان ایله روسیا پرزیدنتی ولادیمیر پوتین'ین قاتیلیمی ایله ایستانبول کونگره مرکزینده مراسیم کئچیریلیب.

پرزیدنت اردوغان، مراسیمده ائتدیگی چیخیشیندا، تورک آخیم پروژه‌سی‌نین سون مرحله‌سینه گلدیگینی قئید ائده‌رک،

"تورک آخیمین تکجه اؤلکه‌میز و میللتیمیز اوچون دئییل، قونشولاریمیز، برلگه'میز اوچون بیر چوخ اوستون‌لوگو وار." دئدی.

اردوغان، تورک آخیم پروژه‌سی‌نین، 2019-جی ایلده کئچیریله‌جک تست‌لرین آردین‌دان فعالیته کئچه'جگینی سؤیله‌دی.

تورکیه اوچون روسیانین اوزون موددت‌لی ایش بیرلیگی قورابیله'جگی اعتبارلی بیر دوست و اؤنملی طبیعی گاز تداروکچوسو اولدوغونا دقتی چکن اردوغان،

"روسیا ایله ایش بیرلیگیمیز چوخ گئنیش بیر ساحه'ده ایلرلیر.هدفیمیز روسیا ایله 100 میلیارد دو‌لارلیق تیجارت حجمینه یئتیشمک'دیر.تورکیه، روسیا‌دان 1987دن بو یانا 387 میلیارد متر مکعب طبیعی گاز آلیم حیاتا کئچیریب، بو، انرژی ساحه‌سین‌دکی موناسیبت‌لریمیزین هر جور سیناماغی کئچدیگی‌نین ایفاده'سی‌دیر. بیز روسیا ایله ایکیطرف‌لی موناسیبت‌لریمیزین چرچیوه‌سینی، هئچ بیر زامان دیگر اؤلکه‌لرین طلب‌لرینه و یا اینادینا گؤره. معین ائتممیشیک. جناب پوتین و روس خالقی ایله همرای'لیگیمیزین اؤلکه‌لریمیز اوچون داها بؤیوک پروژه‌لرین، موژده وئرجگینه اینانیرام،" دئدی.

پوتین ایسه مراسیمده چیخیش،

"روسیا و تورکیه اولا‌راق انرژی ساحه‌سینده امکداش‌لیغینی اوزون ایللر عرضینده چوخ اوغورلو بیر شکیلده حیاتا کئچیریریک" دئیه دانیشدی.

تورک آخیم پروژه‌سی‌نین اهمیتینه توخونان پوتین،

"تورک آخیم"، تورکیه اؤنملی گاز مرکزی حالینا گتیره‌جک و تورکیه‌نین موقعیتینه ده مثبت تأثیر ائده‌جک‌دیر"- دئدی.

ایکی اؤلکه آراسیندا اعتبار اولما‌دان بو پروژه‌نین حیاتا کئچیریلمه‌سی‌نین مومکون اولمایاجاغینا ایشاره ائدن روس لیدر، اردوغانا سیاسی "ایراده و جسارتی" اوچون تشککور ائدیب.

چیخیش‌لارین آردین‌دان، تورک آخیم پروژه‌سی‌نین دنیز حیسه‌سینه چکیله‌جک سون بورو، پرزیدنت اردوغان و روسیا پرزیدنتی ولادیمیر پوتین'ین گؤستریشیله قارا دنیزه ائندیریلیب



ایلگیلی‌لی خبرلر