ایبراهیم کالین دان آمریکایا اویاری

پرزیدنت سؤزچوسو ایبراهیم قالین، آمریکا حکومتی‌نین تورکیه نی ایتیرمک ریسکی ایله قارشی-قارشییا اولدوغونو بیلدیریب

ایبراهیم کالین دان آمریکایا اویاری

پرزیدنت سؤزچوسو ایبراهیم قالین، آمریکا حکومتی‌نین تورکیه نی ایتیرمک ریسکی ایله قارشی-قارشییا اولدوغونو بیلدیریب.

براهیم کالین، دایلی صاباح قزئتینده "تورکیه-آمریکا موناسیبت‌لرین‌دکی بحرانا دایر" موضوعسوندا بیر یازی قلمه آلدی.

فتح الله چی ترور تشکیلاتی فتونون، 15 ژوئیه 2016 کودتا گیریشیمینی کئچیریلدیغینده بیر چوخ اولوسلار آراسی یویومچونون، تورک دولتی‌نین و ایقتیصادی‌نین تامامیله داغیلاجاغینی نظرده توتدوغونو خاطیرلا‌دان کالین، آنجاق تورکیه‌نین بو قاران‌لیق‌دان داها گوج‌لو چیخا‌راق سیاسی ثابت‌لیک و ایقتیصادی گلیشمه یولوندا آددیملاماغا داوام ائتدیگینی بیلدیریب.

کالین، بو حادثه‌نین اوزرین‌دن ایکی ایل سونرا، ترامپ حکومتی بیر کئشیش اوزون‌دن باش وئرن موجود بحران و ارز بازارلاریندا باش وئرن دالغا‌لارین تورکیه‌نین قطعیتینی آزالتمایاجاغینی وورغولاییب.

بو ایل تورکیه تخمینن 40 میلیون توریستین سفر ائتمه‌سی‌نین گؤزلندیگینی بیل‌دیرن کالین، بؤیوک دولت پروژه‌لری‌نین پلانلاشدیردیغی کیمی داوام ائتدیگینی، بوتون بون‌لارین تورکیه‌نین دولت قوروم‌لاری‌نین و ایقتیصادی‌نین نه قدر دایانیق‌لی اولدوغونو اورتایا قویدوغونو قئید ائدیب.

آمریکا دو‌لارین‌داکی ایسپکولاسیون یوکسلمه‌یه ده توخونان کالین، "تورکیه، بو چتین‌لیک‌لرله موباریزه ائتمه‌یه حاضیردیر. اساساً بو مسئله، بیر ارز ساواشی نین اؤته سینده‌دیر. ترامپ رهبرلیگی‌نین ترور جینایتین‌دن ائو حبسینده اولان کشیش برانسون مسئله‌سی سببیله ایکی ناظیریمیزه تحریم ایجرا ائتمک قراری، تورک-آمریکا علاقه‌لری‌نین دیب ائتمه‌سینه سبب اولدو. تورک طرفی‌نین مسئله نی دیپلوماتیک کانال‌لاردان حل ائتمک تلاشلاری، یاخشی نیتی و نتیجه آلماغا یؤنه‌لیک موناسیبتی، ترامپ رهبرلیگی‌نین ایدئولوژی توتومو و آنلاشماز حرکتی سببین‌دن بیر کنارا چکیلیب" دئدی.

تورکیه‌نین امنیت ناراحات‌لیق‌لاری‌نین، ناتو موتتفیقی طرفین‌دن جدییه آلینماسی ایستیینده سونونا قدر حاق‌لی اولدوغونو وورغولایان کالین، "آنجاق آمریکا، بؤلوچو ترور تشکیلاتی پ.ک.ک-نین سوریه قولو اولان پ.ی.گ/ی.پ.گ ایله امکداش‌لیق مسئله‌سینده تورکیه‌نین اعتراضلارینی نظره آلمادی. آمریکاداکی فتو قورولماسی موضوعسوندا آددیم آتمادی" قیمتلندیرمه‌سینده اولوب.

کالین، آمریکانین تورکیه نی تامامیله ایتیرمک ریسکی ایله قارشی-قارشییا اولدوغونا ایشاره ائدیب.

کالین، "تورکیه ایجتیماعتیی‌نین هامی‌سی، قانونی امنیت ناراحات‌لیق‌لاریمیزی یوخ سایان آمریکان سیاستینه قارشی‌دیر. تورکیه‌یه قارشی حده‌لر، تحریم‌لر و یا یول کسنلیک‌لر هئچ بیر ایشه یاراماز. آنجاق تورکیه‌نین قطعیتینی آرتیریر و آمریکانی هم تورکیه‌ده، هم ده اولوسلار آراسی عالمده یالنیزلاشدیرار. ترامپ رهبرلیگی ایندیدک کانادا، مکزیک، کوبا، چین، روسیا، ناتو، آلمانیا و بیر چوخ باشقا اؤلکه ایله خصوصیله ایچ گوندم گؤره داعوایا گیریشدی. بو وضعیت آمریکانین اعتبارلی بیر دوست و موتتفیق اولا‌راق اعتبارینا ضرر وئردی. تورکیه‌دکی قاوراییش دا بون‌دان فرق‌لی دئییل." ایفاده‌لرینی ایستیفاده ائتدی.



ایلگیلی‌لی خبرلر