"اقتصاد ایله سیاسی شانتاژ دوغرو دئییل"

جمهورباشقانلیغی سؤزچوسو، اقتصادین سیاسی شانتاژ ملزمه‌سی کیمی ایستیفاده ائدیلمه‌سی‌نین دوغرو اولمادیغینی ایفاده ائده‌رک، مرکلین هم بو سؤزلرینی هم ده توتومونو تنقید ائتدی

"اقتصاد ایله سیاسی شانتاژ دوغرو دئییل"

آلمانیا باشباخانی آنگلا مرکلین "تورکیه ایله گؤمروک بیرلیگی یئنی‌لنمه‌سی" سؤزلرینه بیر تپکی ده جمهورباشقانلیغین‌دان.

جمهورباشقانلیغی سؤزچوسو ابراهیم قالین، اقتصادین سیاسی شانتاژ ملزمه‌سی کیمی ایستیفاده ائدیلمه‌سی‌نین دوغرو اولمادیغینی ایفاده ائده‌رک، مرکلین هم بو سؤزلرینی هم ده توتومونو تنقید ائتدی.

آنکارادا تشکیل ائتدیگی مطبوعات کونفرانسیندا گوندمی دگرلن‌دیرن قالین، مرکلین، گؤمروک بیرلیگی قونوسوندا، آوروپا بیرلیگی تشکیلات‌لارینا یا دا عضو اؤلکه‌لره تعلیمات وئریر کیمی بیر قونوما گلمه‌سی‌نین دوغرو اولمادیغینا ایشاره ائتدی.

قالین،

"تورکیه-آلمانیا آراسیندا یاشانان گرگین‌لیگی آلمان مقام‌لاری‌نین بوتون آوروپایا یایما چاباسی، چاره‌سیزلیک‌لرینی گؤستریر. بیز آلمانیا ایله، یا دا هر هانسی بیر آوروپا اؤلکه‌سی ایله گرگین‌لیک یاشاماق ایستمیریک" دئدی.

بو جور آچیقلاما‌لارین ایشه یارامادیغینی، دؤولت رهبرلیگیله اویغون گلمدیگینی ده ایفاده ائدن قالین، آلمانیا‌دان تورکیه‌یه یئنی یاتیریم‌لارین کسینتیسز داوام ائتدیگینی وورغولادی.

تورکیه ایله آوروپا بیرلیگی آراسین‌داکی گؤمروک بیرلیگی‌نین بیر "قازان-قازان آنلاشماسی" اولدوغونا دا ایشاره ائدن ابراهیم قالین،

"بو انگللندیگی، اؤته‌لندیگی، لغو ائدیلدیگی زامان بون‌دان یالنیز تورکیه دئییل آوروپا بیرلیگی ده ضرر گؤرور" دئدی.


اتیکتلر: تنقید , مرکل , قالین

ایلگیلی‌لی خبرلر