بینا‌لی ییل‌دیریم، آلکسیس چیپراس ایله مطبوعات توپلانتیسی ائتدی

مطبوعات کونفرانسیندا، فتح الله چی ترور تشکیلاتی پارالل دولت قورولماسی (فتو / پ.د.ی)'نین 15 ژوئیه‌ده خائین کودتا گیریشیمی سونراسی یونانیستانا قاچان کودتاچی‌لارین گئری ائدیلممه‌سی ده گوندمه گلدی

بینا‌لی ییل‌دیریم، آلکسیس چیپراس ایله مطبوعات توپلانتیسی ائتدی

 

تورکیه باش ناظیر بینا‌لی ییل‌دیریم، یونانیستاندا همکاری آلکسیس چیپراس ایله گؤروشدو.

گؤروشمه‌نین آردین‌دان تشکیل ائدیلن اورتاق مطبوعات کونفرانسیندا، فتح الله‌چی ترور تشکیلاتی پارالل دولت قورولماسی (فتو / پ.د.ی)'نین 15 ژوئیه‌ده خائین کودتا گیریشیمی سونراسی یونانیستانا قاچان کودتاچی‌لارین گئری ائدیلممه‌سی ده گوندمه گلدی.

باش ناظیر ییل‌دیریم موضوع ایله باغلی اولا‌راق،

"ایستییریک کی کودتاچی‌لارین یونانیستان ایله تورکیه آراسین‌داکی علاقه‌لره ضربه وورماسین" دئیه دانیشدی.

یونانیستان باش ناظیری چیپراس ایسه،

"محکمه قرارینا حؤرمت گؤسترملیگیک" دئیه بیلدیرمیش‌دیر.

باش ناظیر ییل‌دیریم آیریجا، قیبریس موضوعسونون تورکیه و یونانیستان اوچون حلّ ائدیلمه‌سی لازیم اولان بیر مسئله اولدوغونو ایفاده ائده‌رک،

"حلّین عدالت‌لی اولماسی لازیم، عدالت‌لی یؤنئتیشیمین تامین ائتمه‌سی لازیم. آدادا یاشایان تورک جمعیتی‌نین، روم جمعیتی‌نین گله‌جک‌دکی امنیتینی ده تأمینات آلتینا آلا‌جاق بیر حلّ گتیریلمه‌سی لازیم." دئدی.

آلکسیس چیپراس دا، قیبریسداکی حلّ پروسه‌سینه یؤنلیک،

قیبریس‌ده عدالت‌لی و قالیجی حلّ هر زامانکین‌دان اهمیت‌لی حالا گلدی. بو موضوع بؤلگه ثابت‌لیگی موضوعسوندا دا اهمیت‌لی. بیرلشمیش میللت‌لر تشکیلاتی‌نین قرارلاری چرچیوه‌سینده بو پروبلمه بیر حلّ تاپیلماسی لازیم اولدوغونو دوشونوروک. "ایفاده‌لرینی ایستیفاده ائتدی.



ایلگیلی‌لی خبرلر