تورکیه پنجره‌سیندن اورتادوغو (21)

تورکیه پرزیدنتی اردوغان؛ هیندیستان، روسیا و چینه ائتدیگی رسمی سفرلرین سونرا بو دفعه آمریکایا بیر رسمی زیارت رئاللاشدیردی. بئله‌جه اردوغان و ترامپ ایلک دفعه اوز-اوزه گؤروشدولر. بو زیارت تورکیه و بؤلگه توپلومدا ماراقلا تعقیب ائدیلدی

تورکیه پنجره‌سیندن اورتادوغو (21)

تورکیه پنجره‌سیندن اورتادوغو (21)

-------

تورکیه جمهوریتی‌نین پرزیدنتی رجب طیب اردوغان قیسا بیر مدت اوّل آمریکایا رسمی بیر زیارت رئاللاشدیردی و آمریکا پرزیدنتی دونالد ترامپ ایله گؤروشدو. بیز ده بو هفته پروقرامیمیزدا اردوغان-ترامپ گؤروشمه‌سینی و اورتا شرقه عکس اولونما‌لارینی آنالیز ائدجگیک.

آتاتورک اونیورسیته‌سی اولوسلار آراسی ایلیشکیلر بؤلومو آراشتیرماچی جمیل دوغاچ ایپک‌ین موضوعویلا ایلیشکیلی قیمتلندیرمه‌سینی تقدیم ائدیریک ...

--------

تورکیه پرزیدنتی اردوغان؛ هیندیستان، روسیا و چینه ائتدیگی رسمی سفرلرین سونرا بو دفعه آمریکایا بیر رسمی زیارت رئاللاشدیردی. بئله‌جه اردوغان و ترامپ ایلک دفعه اوز-اوزه گؤروشدولر. بو زیارت تورکیه و بؤلگه توپلومدا ماراقلا تعقیب ائدیلدی. مطبوعاتا عکس اولونان ایلک تصورات‌لار، دانیشیق‌لارین بؤیوک نیسبتده مثبت کئچدیگی ایستیقامتینده.

هر ایکی لیدرین ده آچیقلاما‌لارینا باخدیغیمیزدا گرگین‌لیک‌دن اوزاق و امکداش‌لیغی اؤنه چیخاران جمله‌لر گؤروروک. ایکی لیدر، سفرین اساس موضوعولاریندان‌ بیری اولان آمریکانین پ.ی.د / ی.پ.گ-یه دستگی موضوعسوندا اوزلاشامادی. آنجاق دیگر موضوعلاردا اوباما دؤورونه گؤره ایره‌لیلمه‌لر وار.

گؤرونن او کی آمریکا، پ.ک.ک-نی تروریست تشکیلات اولا‌راق تعیین ائتمه‌یه داوام ائدیر آنجاق پ.ک.ک-نین سوریه قولو اولان پ.ی.د / ی.پ.گ ایله امکداش‌لیق ائتمه‌یه داوام ائده‌جک و پ.ی.د / ی.پ.گ-یه آغیر سیلاح‌لار وئرمه قرارین‌دان گئری دؤنمه‌یه‌جک. آمریکا، داعشا قارشی رقه حرکاتینی پ.ی.د / ی.پ.گ ایله رئاللاشدیرماغا قرارلی. آمریکا، پ.ی.د / ی.پ.گ-یه وئردیگی سیلاح‌لارین یالنیز بو عملیاتدا ایستیفاده ائدیله‌جگی؛ رقه‌نین قورتاریلماسین‌دان سونرا پ.ی.د / ی.پ.گ-نین بورانین رهبرلیگینده یئر آلمایاجاغی؛ بؤلگه‌ده بیر پ.ک.ک دهلیزی‌نین قورولمایاجاغی موضوعلاریندا تورکیه‌یه رسمی اولا‌راق ضمانت وئردی. آنجاق تورکیه مونبیچده یاشانان تجروبه‌لر سببیله حاق‌لی اولا‌راق شوبهه دویور. موضوعویلا ایلیشکیلی اولا‌راق پرزیدنت اردوغان؛ "بونو همیشه سؤیله‌ییرلر اما بیز تطبیقه باخاریق؛ سوریه‌ده میدانا گتیردیگیمیز و تروردان تمیزلدیغیمیز قورشاق و یا سینیرلاریمیزا ایستیقامت‌لی بیر سالدیری اولسا نیشان قایدا‌لارینی کیمسه‌یه سوروشما‌دان اویقولاریک "دئدی. بو آچیقلاما ایله تورکیه سؤزلره دئییل تطبیق‌لره باخاجاغینی وورغولاییر. اصلینه باخیلسا آمریکانین پ.ی.د / ی.پ.گ-یه دستک قراری، آمریکانین تورکیه ایله ایلیشکیلری، تروریزمله موباریزه و سوریه‌نین گله‌جگی خوصوص‌لاریندا مدافعه ائتدیگی پرینسیپ‌لرله دابان-دابانا ضد. بو طرز سهو قرارلاری سببیله ده یاخین شرقده آمریکا علیهدارلیغی گئده‌رک یوکسلیر.

بو گون آمریکا باشدا اولماقلا غرب ایدارچی‌لر و غرب مئدیاسی پ.ک.ک ایله پ.ی.د / ی.پ.گ آراسیندا خیا‌لی بیر آیری-سئچکی‌لیک میدانا گتیرمه‌یه چالیشیر. آنجاق نه ائدیلسه ائدیلسین پ.ی.د / ی.پ.گ بیر ترور تشکیلاتی‌دیر و ترور تشکیلاتی پ.ک.ک-نین سوریه قولودور. بو وضعیتی اثبات ائدن موذاکیره‌سیز گئرچک‌لر وار. تخمینن بیر ایل اوّل آمریکا کئچمیش ساوونما ناظیری آشتون کارترا (آمریکا کونگره‌سینده وظیفه‌یه قبولویلا ایلیشکیلی حیاتا کئچیریلن سناتو ایجلاسیندا) پ.ی.د / ی.پ.گ-نین پ.ک.ک ایله موتتفیق و یا جیدی شکیلده ایلیشکیلی اولوب اولمادیغی سوروشولموشدو. بو سوالا آشتون کارترین وئردیگی جواب ایسه "بلی" اولموشدو.

پ.ی.د / ی.پ.گ-نین پ.ک.ک-نین سوریه قولو اولدوغو ایله ایلیشکیلی کئچدیگیمیز گون‌لرده آمریکاداکی اهمیت‌لی نشر اورقانلاریندان‌ بیری اولان تورک هاوا یوللاری آتلانتیک‌ده بیر مقاله نشر اولوندو. 11 می تاریخینده نشر اولونان بو مقاله‌نین مؤلفی ایسه آمریکانین اسکی سوریه سفیری روبرت فورد. بو مقاله‌ده فورد، پ.ی.د-نین 2003-جو ایلده شام داغیندا پ.ک.ک لیدرلیگی طرفین‌دن قورولدوغونو وورغولاییر. پ.ک.ک، ک.ج.ک و پ.ی.د / ی.پ.گ آراسین‌داکی ایلیشکیلری آچیق معلومات‌لارلا ایضاح ائدیر. وال ایستریت ژوورنال قزئتینه آچیقلاما وئرن بیر پ.ی.د-‌لی‌نین داها اوّل پ.ک.ک اولدوغونو سؤیله‌دیگینی ایفاده ائدیر. فورد؛ اوباما و ترامپ رهبرلیک‌لری‌نین یاخین زامانا قدر پ.ی.د / ی.پ.گ ایله پ.ک.ک-نین آیری-آیری تشکیلات‌لار اولدوق‌لارینی ادعا ائتدیک‌لرینی یازیر. پ.ی.د-نین سوریه‌نین قوزئینده الده ائدجگی اوتونوم بؤلگه‌نین پ.ک.ک-یا تورکیه‌یه ایستیقامت‌لی سالدیریلاری اوچون ایستراتژی درین‌لیک تامین ائدجگینی ایفاده ائدیر. قوزئی سوریه‌ده اؤیره‌دیلن "خادیم‌لرین" ایستانبول، آنکارا و بورسا دا سالدیریلار رئاللاشدیردیغینیز وورغولاییر. آمریکانین بیر ترور تشکیلاتینا قارشی باشقا بیر ترور تشکیلاتینی دستکلمکله سیاسی توتارلی‌لیغینی ضعیف‌لیگی اوغراتدیغینی، بو سیاستین ترورا قارشی ساواش‌دا گووئنیرلیلیغینی ایتیرمه‌سینه یول آچاجاغینی سؤیله‌ییر. اوسته‌لیک ده پ.ی.د-نین ائله قوتساندیغی کیمی دموکراتیک اولمادیغینی، باشقا کورد قروپ‌لارا داهی سیاسی حیات حاقی تانیمادیغینی یازیر. منجه آمریکا رهبرلیگی بو خبردارلیق‌لاری گئج اولما‌دان نظره آلما‌لی.

هر شئیه باخمایا‌راق بو سفرین بیر چوخ موسبت نتیجه‌سی ده وار. اولجه تورک-آمریکان ایلیشکیلرین‌دکی بیر مدت‌دیر داوام ائدن ایستیقرارسیزلیق آرا‌دان قالخدی. ایکی اؤلکه آراسیندا بحرانین ائشیگین‌دکی ایلیشکیلر یئنی‌دن نورماللشدی. بئله‌جه تورکیه ایله آمریکا آراسیندا یئنی بیر دؤور باشلادی. یاخشی یئنی دؤورده ایکیطرف‌لی ایلیشکیلر تکرار ایستراتژی طرفداش‌لیق سویه‌سینه یوکسلیر می؟ بو سوالا بو آن قطعی بیر جواب وئرمک گوج. بونو سیاسی، نیظامی آددیم‌لار و مخصوصن سوریه‌دکی اینکیشاف‌لار تعیین ائده‌جک.

-------

آتاتورک اونیورسیته‌سی اولوسلار آراسی ایلیشکیلر بؤلومو آراشتیرماچی جمیل دوغاچ ایپک‌ین موضوعویلا ایلیشکیلی قیمتلندیرمه‌سینی تقدیم ائتدیک ...



ایلگیلی‌لی خبرلر