تورکیه پنجره سیندن اورتادوغو(16)

اسد رژیمی هاوا گوج‌لری سوریه‌نین ایدلیب شهرینده وطنداش‌لارا یؤنلیک بیر شیمیایی سالدیری ائتمیشدی. آمریکا بو سالدیرییا، رژیمین بو سالدیرینی دوزنلرکن ایستیفاده ائدیلن هاوا اساسینی وورا‌راق جواب وئردی

تورکیه پنجره سیندن اورتادوغو(16)

تورکیه پنجره سیندن اورتادوغو(16)

 

قیسا بیر مدت اوّل آمریکا، اسد رژیمینین حمص‌داکی بیر نیظامی پایگاهینا هاوا عملیاتی ائتدی. بیز ده بو هفته پروقرامیمیزدا آمریکانین بو عملیاتینی و بؤلگه‌یه تأثیرلرینی آنالیز ائدجگیک.

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچیسی جمیل دوغاچ ایپک‌ین موضوعیلا باغلی قیمتلندیرمه‌سینی تقدیم ائدیریک ...

--------

اسد رژیمی هاوا گوج‌لری سوریه‌نین ایدلیب شهرینده وطنداش‌لارا یؤنلیک بیر شیمیایی سالدیری ائتمیشدی. آمریکا بو سالدیرییا، رژیمین بو سالدیرینی دوزنلرکن ایستیفاده  ائدیلن هاوا اساسینی وورا‌راق جواب وئردی. حمص شهرین‌دکی شعیرات هاوا نیظامی پایگاهی، 59 توماهاوک لند موشک‌ی ایله وورولدو. آمریکا ساوونما ناظیرلیگین‌دن ائدیلن آچیقلامایا گؤره آمریکا پرزیدنتی دونالد ترامپین تعلیماتییلا آمریکا گوجلری، سوریه هاوا گوجلرینه عایید بیر مرکزی یئرلی ساعتلا 04.45ده سئیر موشک‌لری ایله ووردو.

خاطیرلاناجاغی کیمی اوباما دؤورونده آمریکا، سوریه‌ده شیمیایی سیلاح ایستیفاده ائدیلمه‌سینی قیرمیزی خط اولا‌راق اعلان ائتدی. اسد رژیمی دفعه‌لرله شیمیایی سیلاح ایستیفاده ائتمه‌سینه باخمایا‌راق آمریکا بونو گؤرممزلیک‌دن گلدی. ترامپ دؤورونده ائدیلن بو هاوا عملیاتی ترامپین اوباما رهبرلیگین‌دن فرق‌لی‌لیگینی گؤستریر. آنجاق بونون آرخاسی گله‌جک می بو آن اوچون بیلمیریک.

بو گلیشمه بین الخالق توپلوموندا آغلا ایلک اوّل آمریکانین سوریه پولیتیکاسینین دییشیب دییشمدیگینی گتیردی. آمریکالی مسئول‌لارین اوّلکی آچیقلاما‌لاریندا " اؤنجه‌لیگی‌میز اسدین گئتمه‌سی دئییل" ایفاده‌سی وار ایدی. بو سالدیری سونراسیندا ایسه او ایفاده یئری "اسد گئتمه‌دن سیاسی حل دانیشیلا" ایفاده‌سینه بوراخدی. آمریکانین بیرلشمیش میللت‌لر سفیری نیکی هیلی موضوعیلا باغلی آچیقلاماسیندا آمریکا اولا‌راق سوریه‌دا اوچ اؤنجه‌لیک‌لری اولدوغونو سؤیله‌دی. اسدین دئویرمک تک اؤنجه‌لیک دئییل. ایلک مقصدلری داعشی مغلوب ائتمک. ایکینجی اولا‌راق اسد اورادایکن باریش ایچینده بیر سوریه گؤرمدیک‌لرینی سؤیلییرلر. اوچونجو اولا‌راق ایران تأثیرینی چؤله آتا‌جاق‌لارینی و سون اولا‌راق سیاسی حل گئده‌جک‌لرینی ایفاده ائدیرلر.

سوریه‌ده اورتایا چیخان وضعیت بؤلگه‌دکی آمریکا ماراق‌لاری اوچون بؤیوک بیر تهدیده چئوریلدی. ترامپ وظیفه‌یه باشلادیغیندا ایرانی تروریست اعلان ائتمیشدی. ایران ایسه سوریه‌دکی موجود وضعیت‌دن ان چوخ فایدا‌لانان اؤلکه موقعیتینده. آمریکانین هاوا عملیاتی‌نین اسد رژیمینه اولدوغو قدر اسد رژیمی‌نین ان بؤیوک دستکچی‌سی اولان ایرانا دا بیر مساژ اولدوغونو سؤیله‌یه بیلریک. آنجاق آمریکا، ایرانین بؤلگه‌ده تأثیر ساحه‌سینی گئنیشلتمه‌سینه ایستمیرسه، ایرانا باغلی سیلاح‌لی قروپ‌لارین سوریه‌ده ایشلدیگی اینسانلیغا قارشی جینایت‌لری دا انگللملی.

بو طرز عملیات‌لار یالنیز شیمیایی سیلاح ایستیفاده‌سینه یؤنلیک دئییل عینی زاماندا اسد رژیمی‌نین دیگر وطنداش قیرغین‌لارینی قارشی‌سینی آلماق اوچون ده ائدیلمه‌لی. بیلدیگیمیز قدریله بو آندا سوریه‌ده وطنداش‌لاری شرطی بومبا‌لارلا اؤلدورمک اوچون ایستیفاده 26 هاوا پایگاهی وار. 2011-جی ایلده بو یانا سوریه‌ده اؤلن وطنداش‌لارین بؤیوک بیر بؤلومو شیمیایی سیلاح‌لارلا دئییل شرطی سیلاح‌لارلا اؤلدورولدو.

تورکیه، اسدین مخالیف‌لره و وطنداش‌لارا قارشی سالدیری‌لاریندا ان اهمیت‌لی گوجو اولان هاوا گوج‌لری‌نین یوخ ائدیلمه‌سینی ایستییر. تورکیه بین الخالق توپلومون شیمیایی سالدیری‌لارلا محدود توتدوغو بو اعتراضینی غیری-کافی تاپیر. بین الخالق توپلومو موضوعیلا باغلی اولا‌راق داها توتارلی اولماغا و بین لخالق حقوقون گرک‌لرینی یئرینه یئتیرمه‌یه دعوت ائدیر.

اؤنوموزدکی مدتده، قیسا وعده‌ده، آمریکانین سوریه‌ده کؤک‌دن بیر سیاست دییشیک‌لیگینه گئتمه‌سی گؤزلنیلمیر. آنجاق بعضی دییشیک‌لیک‌لر اولا‌جاق. اسد رژیمی‌نین بعضی فعالیت‌لرینی محدودلاش‌دیران علاوه تدبیرلر آلینا بیلر. آمریکا، اؤزگور سوریه اوردوسو کیمی مولاییم مخالیف‌لره وئردیگی دستگی آرتیرا بیلر. دیپلوماتیک ساحه‌ده اسد رژیمینه چتینه سالا‌جاق گیریشیملرده  اولابیلر.

آمریکالی مسئول‌لارین ایلک آچیقلامالاریندان‌ آنلادیغیمیز قدریله بو عملیاتین اساس مقصدی اسد رژیمینین شیمیایی سالدیری‌لارینا جواب وئرمک. آمریکانین عملیاتی سونراسیندا روسیا و ایران موشک سالدیریسینی قینادیغینی آچیقلادی. اینگیلتره، فرانسا، تورکیه، سعودی عربیستانی و ایسرائیل ایسه عملیاتا یؤنلیک دستک آچیقلاما‌لاری ائتدی. بو نقطه‌ده پرزیدنت اردوغان داخیل اولماق عذره تورک مسئول‌لار آمریکایا دستک‌لرینی دیله گتیردی. اونسوز دا تورکیه سوریه بحرانی‌نین باشین‌دان اعتباراً اسد رژیمینه قارشی دقیق بیر رفتار تاکینمیش و اسدین درحال اقتداردان اوزاقلاشدیریلماسینی ایستمیشدی. ترامپین محدود دا اولسا بیرباشا اسد رژیمینه یؤنلیک ائتدیگی عملیات، تورکیه‌ده آمریکانین موقعیتینده بیر دگشیکلیغین ایشاره‌سی اولا‌راق گؤرولور. تورکیه بو عملیاتی کافی گؤرمور و آرخاسی‌نین گلمه‌سینی ایستییر.

بو گلیشمه‌لر تورکیه اوچون یئنی فورصت‌لر و تهدیدلر اورتایا چیخارا‌جاق. آمریکا و بین الخالق کوالیسیونون تاثیرسیزلیک سببیله تورکیه، سوریه‌ده فیرات قالخانی عملیاتی ایله اؤز سیاستینی حیاتا کئچیردی. تورکیه، اؤنوموزدکی مدتده اینکیشاف‌لار نه ایستیقامته ائوریلیرسه ائوریلسین، سوریه‌ده آمریکا و روسیا آراسیندا بیر سئچیم ائتمه‌دن اؤز امنیتینی ضمانت آلتینا آلماغا چالیشا‌جاق.

---------

آتاتورک اونیورسیته‌سی اولوسلار آراسی ایلیشکیلر بؤلومو آراشدیرماچی جمیل دوغاچ ایپکین موضوعیلا باغلی قیمتلندیرمه‌سینی تقدیم ائتدیک ...

سؤز سایی: 625



ایلگیلی‌لی خبرلر