تورکیه مطبوعاتی اؤزتی 19.06.2017

خبرتورک: " آمریکا و تورکیه آراسیندا اف-35 راضیلاشماسی"

تورکیه مطبوعاتی اؤزتی 19.06.2017

تورکیه مطبوعاتی اؤزتی 19.06.2017

وطن: "پاریس ایر شووا تورک دامغاسی"

دونیانین ان بؤیوک هاواجیلیق و کوسموس سرگیسی پاریس ایر شوو، صاباح قاپی‌لارینی لو بوورگت هاوا لیمانیندا چیخاریر. هاواجیلیق صنایعندکی سون اینکیشاف‌لارین سرگیلنه‌جگی سرگییه بو ایل تورک هاواجیلیق صنایع (TAI) محصول‌لارینی دامغاسینی وورا‌جاق. تورکیه، اؤز حاضیرلادیغی هاوا واسطه‌لرینی پاریس ایر شوودا سرگیله‌یه‌جک. سرگیده، تای طرفین‌دن حاضیرلانیب اوره‌تیلن حورکوش اگیتیم اوچاغی نوماییش اوچوشو رئال‌لاش‌دیرا‌جاق. گلن ایل سما ایله تانیش اولا‌جاق، 12 صندل ظرفیتلی، 6 تون آغیرلیغینا، هم سیویل، هم ده نیظامی مقصدلی ایستیفاده ائدیله‌جک 625T هلیکوپتری ده سرگی‌لنه‌جک. تای‌نین 129T آتاک، سیلاح‌لی اینسان‌سیز هاوا واسطه‌سی حالینا گتیریلن آنکا-اس ده ایستاتیک ساحه‌ده سرگی‌لنه‌جک.

خبرتورک: " آمریکا و تورکیه آراسیندا اف-35 راضیلاشماسی"

تورکیه‌نین ده آرا‌لاریندا اولدوغو 11 اؤلکه ان آز 440 عدد اف-35 جتی آلیشی اوچون راضی‌لاشدی. 37 میلیارد دو‌لار دگرینده اولماسی گؤزلنیلن راضیلاشمانین بیر رکورد اولدوغو ایفاده ائدیلیر. 2006-جی ایلدن بری چیخاریلماغا باش‌لانان خیالات اوچاق‌لار، سون تکنولوژی آوا‌دان‌لیق و یئنی‌لنمیش حالییلا صاباح آچیلا‌جاق پاریس هاواجیلیق سرگی‌سینده گؤروجویه چیخا‌جاق. کئچن هفته اف-35 آلماق ایسته‌ین 11 اؤلکه‌نین رسمی‌لری آمریکانین مریلند ایالتین‌دکی بالتیموره شهرینده بیر آرایا گلمیش و اف-35 جتلرینه اکیپمان اوره‌تن نورثروپ گرومن تاسیس‌لرینده آراشدیرما‌لار ائده‌رک شرط‌لری گؤروشموشدو. آرا‌لاریندا تورکیه‌نین ده نماینده‌سی‌نین اولدوغو اؤلکه‌لر اوسترالیا، دانمارک، ایسرائیل، ایتالیا، ژاپون، هولند، جنوبی کوره، بیرلشمیش کرال‌لیق و آمریکا.

ایستار: "تورک عسگری، قطر اوردوسویلا اورتاق مانور ائده‌جک"

تورکیه ایله قطر آراسیندا واریلان راضیلاشما اویغون اولا‌راق قطره حرکت ائدن تورک عسگری، بؤلگه‌یه یئتیشدی. محمتجیک قطر اوردوسویلا بیرلیکده بیر سیرا اورتاق مانور رئال‌لاش‌دیرا‌جاق. قطرلی مشهور یایین قورولوشو الجزیره، تورک بیرلیگی‌نین بؤلگه‌یه چاتدیغینی و قطر اوردوسویلا بیرلیکده بیر سیرا اورتاق مانور رئاللاشدیراجاغینی دونیایا ائشیتدیردی. سعودی عربیستان، میصر، بیرلشیک عرب امیرلیک‌لری، بحرین، یمن کیمی اؤلکه‌لرین آراسیندا اولدوغو چوخ سایدا کؤرفز اؤلکه‌سی هفته باشیندا قطر دیپلوماتیک علاقه‌لرینی کسمیش و قطره یؤنلیک بعضی تحریم‌لر آچیقلامیشدی. بو آچیقلاما‌لارین آردین‌دان تورکیه بؤیوک میللت مجلیسینده ائدیلن سس وئرمه قطره عسگر گؤندریلمه‌سی تصدیقلنمیشدی.

صاباح: "شفقت گمی‌سی غزه یولوندا"

ایسرائیل طرفین‌دن محاصیره آلتیندا توتولان غزه‌یه 10 مین 600 تون یاردیم وسایلی چات‌دیرا‌جاق Acqua Stella گمی‌سی دونن یولا چیخدی. کؤمک وسایل‌لری‌نین ایچینده اولان قیدا ماده‌لری‌نین یانیندا، اویونجاق‌لار، بیسیکلتلر و بایرام‌لیق پالتارلارلا فیلیسطین‌لی اوشاق‌لار گؤزل بیر بایرام یاشایا‌جاق. گمیده 18 مین 100 اویونجاق، 32 مین قلم و دفتر سئتی، 50 مین قیدا قوتوسو، 5 مین تون اون، 100 تون بیسکویت و کک، 50 مین گئییم، مین بایرام‌لیق گئییم و مین 10 بیسکلت وار.

یئنی شففق "دانمارکدا ایسلامی گول‌لرله ایضاح ائتدی‌لر"

دانمارک ایسلام جمعیتی گنج‌لیک قول‌لاری، بلدیه میدانیندا اطرافینا ماکت میناره‌لر قویولان چادیردا "من مسلمانام" فعالیتی تشکیل ائتدی. مئدیادا یئر آلان ایسلام و مسلمان‌لارا قارشی منفی ایماژلار  و اؤن یارغی‌لری قیرماغا چالیشان گنج‌لر، گول پایلایا‌راق دانمارک‌لی‌لارا ایسلامی و مسلمان‌لاری ایضاح ائتدی. کؤنول‌لو گنج‌لره، وطنداش‌لار و توریست‌لر مثبت باخدی. دانمارک ایسلام جمعیتی طرفین‌دن سون 6 ایلدیر ایسلامی و مسلمان‌لاری دانمارک‌لی‌لره ایضاح ائتمک اوچون مختلیف تدبیرلر تشکیل ائدیلیر. دانمارک ایسلام جمعیتی، قیش آیلاریندا دا وطنداش‌لارا ایستی شوکولاد و چؤرک پای‌لانا‌راق ایسلام و مسلمان‌لار حاقیندا مثبت ایماژ وئرمه‌یه چالیشمیشدی.



ایلگیلی‌لی خبرلر