کرکوک‌ده بایراق قراری

کرکوک ائل مجلسینده، شهردکی قامو بینا‌لارینا عراق بایراغی‌نین یانیندا بؤلگه‌سل یؤنه‌تیم بایراغی‌نین آسیلماسی قراری قبول ائدیلمیشدی

کرکوک‌ده بایراق قراری

عراق ایداره محکمه‌سی، کرکوک شهرین‌دکی حکومت بینا‌لارینا عراق بؤلگه‌سل رهبرلیگی بایراغی‌نین آسیلماسی‌نین آنایاسایا ضد اولدوغونا حؤکم ائتدی.

محکمه طرفین‌دن وئریلن یازی‌لی آچیقلامادا،

"کرکوک ائل مجلسی باشقانی ریبوار طالبانی طرفین‌دن 30 مارس 2017ده ایمضا‌لانان، شهردکی حکومت بینا‌لاری اوزرینده عراق بایراغی‌نین یانیندا بؤلگه‌سل رهبرلیک بایراغی‌نین آسیلما‌سی قراری آنایاسایا ضیددیر" دئییلدی.

کرکوک ائل مجلسینده، مارس آییندا تورکمن و عرب عضو‌لرین بایکوت ائتدیگی اوتورومدا، شهردکی قامو بینا‌لارینا عراق بایراغی‌نین یانیندا بؤلگه‌سل یؤنه‌تیم بایراغی‌نین آسیلماسی قراری قبول ائدیلمیشدی.

قرارین آنایاسایا ضد اولدوغونو ایفاده ائدن تورکمن‌لر و عرب‌لر، کرکوک ائل مجلسی باشقانی طالبانی حاقیندا دعوی آچا‌راق ایشی محکمه‌یه داشیمیشدی.

کرکوک ائل مجلسینده کوردلرین 26، تورکمن‌لرین 9، عرب‌لرین ایسه 6 عضوو وار.


اتیکتلر: بایراق , کرکوک

ایلگیلی‌لی خبرلر