آمریکا مرکز بانکی‌نین یئنی باشقانینین ایلک آچیقلاماسی

آمریکا مرکزی بانکی باشقانی پاول، وظیفه‌سینه رسمی اولا‌راق باشلاماسی‌نین آردین‌دان آمریکا مرکزی بانکی‌نین رسمی سایتیندا بیر ویدئو یاییب

آمریکا مرکز بانکی‌نین یئنی باشقانینین ایلک آچیقلاماسی

آمریکا مرکز بانکی‌نین (Fed) یئنی باشقانی جروم پاول، پول سیاستینه قارشی قرارلاری ایله داوام ائدن ایقتیصادی بؤیومگی، ساغلام ایش گوجو بازارینی و قیمت ثابت‌لیگینی دستکله‌یه‌جک‌لرینی دئییب.

آمریکا مرکز بانکی باشقانی پاول، وظیفه‌سینه رسمی اولا‌راق باشلاماسی‌نین آردین‌دان آمریکا مرکز بانکی‌نین رسمی سایتیندا بیر ویدئو یاییب.

پرزیدنت کیمی ائتدیگی ایلک دانیشما کاراکتری داشییان ویدئویا، "قیسا مدت اوّل Fed-ین باشقانی اولماق اوچون آند ایچدیم. آمریکا‌لی‌لارا بو میسیون چرچیوه‌سینده خیدمت ائتمه ایمکانینا صاحب اولماق‌دان غورور و شرف دویورام". ایفاده‌لری ایله باشلایان پاول، Fed -ین نیی نه اوچون ائتدیگینی آمریکا خالقینا ایضاح ائتمه‌یه قرارلی اولدوغونو دئدی.

آمریکا کونگره‌سی‌نین Fedی قیمت ثابت‌لیگی و تام ایستیخدامی تامین ائتمکله تاپشیریق وئردیگینی خاطیرلا‌دان پاول، بانکین اؤلکه‌ده مالی ثابت‌لیگی یاراتماق‌دان دا مسئول اولدوغونو وورغولادی.

Fed-ین 16-جی پرزیدنتی اولان 65 یاش‌لی پاول، سؤزلرینی بئله داوام ائتدیردی:

بوگون ایشسیزلیک و انفلیاسیون آشاغی، ایقتیصاد بؤیوگور. پول سیاستینه یؤنه‌لیک قرارلاریمیزلا داوام ائدن ایقتیصادی بؤیومگی، ساغلام ایش گوجو بازارینی و قیمت ثابت‌لیگینی دستکلیه‌جگیک. بون‌دان باشقا، مالی سیستمیمیزین تخمینن 10 ایل اوّل باشلایان بحران اؤنجه‌یه نیسبتن داها گوجلو و مقاومت‌لی اولدوغونو بیل‌دیرمک‌دن خوشبخت‌لیک دویورام. بونو قوروماق نیتیندییک".

Fed رسمی‌لری‌نین یئنی ریسک‌لره قارشی دقت‌لی اولماغی داوام ائتدیرجگینی قید ائدن پاول، Fed -ین سوروملو اولدوغو مالی رگولاسیون-لارین هم تأثیرلی، هم ثمره‌لی اولماسی اوچون چوخ چالیشا‌جاق‌لارینی ایفاده ائدیب.

پاول، چیخیشینی،

قرارلاریمیزین آمریکا خالقی و شیرکت‌لری اوچون اهمیت‌لی اولدوغونو بیلیریک. اوزون مدت‌دیر داوام ائدن پارتی‌لر اوستو عنعنه‌میز، یالنیز ان یاخشی دلیل‌لره اساس‌لانان اوبژکتیو قرارلار وئرمک‌دیر. Fedدکی همکارلاریم و من، هر شئییمیزی سیزه و اؤلکه‌میزه طرف‌سیز، موستقیل و دوروست شکیلده خیدمت ائتمه‌یه آدایاجاغیز" سؤزلری ایله تاماملادی.



ایلگیلی‌لی خبرلر