اردوغانین واتیکانا سفری قلوبال باریش اوچون اومود وعد ائدیر

پرزیدنت اردوغانین پاپ فرانسیس ایله گؤروشمه‌سی، عرقچیلیغین، خوش گؤروسوزلویون، جهالتین و زوراکیلیغین گئتدیکجه آرتدیغی بیر دونیادا، باریش، تهلوکه‌سیزلیک و دوستلوغون اورتاق گوندم اولدوغو بیر چالیشما دوغوراجاق اؤنملی بیر فورصت کیمی قارشیلانمالی‌دیر

اردوغانین واتیکانا سفری قلوبال باریش اوچون اومود وعد ائدیر

جمهورباشقانلیغی سؤزچوسو ابراهیم قالین‌ین دیلی صاباح‌دا یاییملانان ۱۰.۰۲.۲۰۱۸ تاریخ‌لی مقاله‌سی‌دیر.

 

فوریه آیینین بئشین‌ده واتیکانا رسمی سفرده اولان پرزیدنت رجب طیب اردوغان، سون ۵۹ ایل عرضین‌ده کاتولیک دونیاسینین لیدئرینی زیارت ائد‌ن ایلک تورک پرزیدنت اولدو. ب.م.ت باش قورولونون "دا کئچیریله‌ن قودس سس وئرمه‌سینین درحال سونراسی گرچکلشن بو سفر، تورکیه ایله مقدس پاپلیق مقامی آراسین‌داکی علاقه‌لر اوچون یئنی بیر صحیفه آچدی. ایکی لیدئر، دئمک اولار کی، دونیانین بوتون عاجل مسئله‌لرینی احاطه ائد‌ن گؤروش گئچیردی.

پاپ فرانسیس، ۲۰۱۴ده تورکیه‌نی زیارت ائتدی. او، پرزیدنتیمیزین، تورکیه‌نین یئنی جمهورباشقانلیغی سارایی اینشا ائدیلدیگینده، بورادا قبول ائتدیگی ایلک دؤولت رباشقانی. ایکی لیدئر آراسین‌دا او زامان دا صمیمی و اساس‌لی بیر گؤروش اولموش‌دو.

ایندیکی واتیکان سفری ده عینی روحو داشیییردی.

ایکی لیدئر، قدس، مسلمان-کاتولیک موناسیبتلری، سوریه محاربه‌سی، قاچقین بحرانی، تروریزم، خارجی دوشمانلیغی و ایسلاموفوبیا کیمی بیر سیرا مسئله حاقین‌دا دانیشدی. تورکیه، هم ده سوریه بحرانی هم ده آرتان عیرق‌چی‌لیق و اجنبی دوشمه‌ن‌چی‌لیگی مسئله‌سین‌ده سسینی یوکسلدن باش‌لیجا اؤلکه‌لردن اولموش‌دور.

پاپ فرانسیس، یئنی وظیفه‌سینی یئرینه یئتیردیین‌دن بو یانا، پاپلیق مقامین‌دا فرق‌لی بیر لیدئرلیک چیزگی نوماییش ائتدیردی: مهربان، چوخ دانیشان، آچیق فیکیرلی و دوز اولان بیر طرزدی بو. پاپ فرانسیس بیر طرف‌ده کاتولیک کلیسه‌سینین داخی‌لی مسئله‌لری ایله مشغول اولارکن، دیگر طرف‌ده اجتماعی عدالت‌ده اصرار ائد‌ن بیر معنویاتی دا قلوبال میقیاس‌دا گوند‌مه گتیردی. مثلاً، عیرق‌چی‌لیغا، آیری-سئچکی‌لییه قارشی سسینی قالدیردی و میانمارداکی روهینگیا مسلمانلارینین درامی حاقین‌دا ناراحات‌لیقلارینی دیله گتیردی.

واتیکانین قدس مسئله‌سی ایله باغلی دقیق و ساغلام دوروشو، مسلمان دونیاسین‌دا ممنویتله قارشیلاندی و مسلمانلارلا کاتولیکلری یاخینلاشدیردی. واتیکانین بو داورانیشی هئچ ده تعجب اویاندیریجی دئییل، چونکو قدس، عینی زامان‌دا، خریستیانلار اوچون ده مقدس بیر مکان و آمریکا ایله ایسراییلین آلدیغی تک طرف‌لی بیر قرارلا شهرین تاریخی، دینی و دیپلوماتیک ایستاتوسونون دییشدیریلمه‌سینی اونلار دا قبول ائتمیرلر.

مسلمانلار و بیر چوخ خریستیان، اؤزللیکله ده عرب و مسلمان اؤلکه‌لرده یاشایانلار، فیلیسطین تورپاقلارینین ایسراییل طرفین‌دن ایشغالینی، مقدس تورپاقلارداکی سورونون اساس سببی کیمی گؤرورلر. آمریکا رهبرلیینین آلدیغی یانلیش قدس قراری، پروبلئمین یالنیز بیر حیصه‌سی. دایما گئنیش‌لنن یاشاییش یئرلری، مسلمان و خریستیان فیلیسطین‌لیلرین ظلمه معروض قالماسی و مولکسوزلشدیریلمه‌لری و فیلیسطین‌لی سیغینماچیلارین گئری دؤنوش حاقی مسئله‌سی، اورتادوغودا عدالت‌لی و دائمی بیر باریشا نایل اولماغا یؤنلدیلمیش بوتون سعی‌لرین آلتینی اویماغا داوام ائدیر.

تورکیه، فیلیسطین مسئله‌سینی دین، عرق و یا تورپاقلا دئییل، عدالتله باغلی بیر مسئله کیمی گؤرور. مسلمانلار، خریستیانلار و یهودیلر اوچون باریش، تهلوکه‌سیزلیک و ثابت‌لیگی تامین ائد‌جک تک چؤزوم- قلوبال دستگه‌یه صاحب اولان آنجاق ایرلی‌لمک اوچون بیر ایتکی‌یه(محرک) احتیاج دویان- ایکی دؤولت‌لی حلین تام اولاراق تطبیق اولونماسی‌دیر.

سوریه و سیغینماچی بحرانی، تورکیه، کاتولیک کلیسه‌سینی و مسلمان و خریستیان دونیالارینی ماراقلان‌دیران بیر مسئله‌دیر. یئددینجی ایلینه گیر‌ن سوریه ساواشینین ان آغیر یوکونو تورکیه داشیییر. سیغینماچی بحرانی، آوروپانین یانی سیرا، بوتون قونشو اؤلکه‌لره ده تأثیر گؤسترمیش‌دیر. دیگرلری کیمی، سوریه‌دن گلن خریستیانلار دا ساواشین دهشتینه، سوریه رژیمینین و قوزئی سوریه‌ده‌کی آرامی/سوریانی خریستیانلارین اوشاقلارینی، تورکیه‌یه قارشی اؤز جرگه‌لرین‌ده مباریزه ائتمه‌لری اوچون، قاچیران پ.ی.د/ی.پ.گ تئروریستلرینین ظلملرینه معروض قالمیشلار.

پاپ فرانسیسین قابساییچیلیق و اؤزون‌دن اولمایانلارا قارشی آچیق‌لیق احتیوا ائد‌ن مئساژلاری، آرتان آشیری ساغ حرکتلرین و یوک‌سه‌له‌ن عرق‌چی میللرین باسقین اولدوغو بیر دؤورده داها دا اهمیت قازانمیش‌دیر. هر هانسی بیر دینی و یا ائتنیک قروپا قارشی آپاریلان آیری-سئچکی‌لیک، عینی زامان‌دا باشقالارینین دا تهلوکسیزلیینی تهدید ائدیر، چونکو عرقچیلیغین چمبری بیر دکره فیرلانماغا باشلایینجا، اونو ساخلاماغین بیر یولو، بوتون قروپلار اوچون جدی نتیجه‌لری اولاجاغیندان، اولمایاجاق. قرب‌ده یاشان باریشچی مسلمان توپلولوقلارا قارشی گونوموزده ائدیلن سیاسی و فیزیکی سالدیریلارین، نورمال بیر وضعیت کیمی گؤستریلمه‌سی، مسلمانلار اوچون اولدوغو قدر مسلمان اولمایانلار اوچون ده ناراحات‌لیق وئریجی اولمالی‌دیر. چونکو آوروپاداکی آنتی-سئمیتیزم ده بنزر بیر شکیل‌ده کنترلدان چیخمیش، نازیزمه و هولوکاست سوچلارینا یول آچاراق معاصر تاریخ‌ده اوتانج وئریجی بیر دؤوره چئوریلمیش‌دیر.

پاپ، عرقچیلییغن و ایسلاموفوبینین یئنی فورمالارینی رد ائتمک اوچون لازیم اولان اخلاقی و سیاسی مسئولیته مالیک اولدوغونو گؤستردی. بو وضعیت بوتون مسلمانلار طرفین‌دن ممنونیتله قارشیلانمالی‌دیر. بنزر بیر شکیل‌ده، مسلمان سیاسی و دینی لیدئرلر ده، مسلمان اؤلکه‌لرین‌ده یاشایان خریستیان توپلولوقلاری، هر هانسی بیر تسالدیرییا قارشی قوروماقلا و اونلارا منسوبلوق و دوستلوق حیسی وئرمکله بورج‌لودورلار. بو معنادا، حکومت تورکیه‌ده‌کی خریستیان (و یهودی) جماعتلرینه دینی حاقلارینی و مولکلرینی قوروماق اوچون بیر سیرا تدبیرلر گؤره‌رک، تورکیه‌نین اؤز کیچیک آنجاق جان‌لی و باریش ایچین‌ده اولان خریستیان جماعتی اوچون بونو ائتمک نیتین‌ده‌دیر.

گرچک او کی، مسلمانلار، خریستیانلار، یهودیلر و دیگر اینانجلاردان اولان خالقلار و اینانج‌سیزلار، عرق‌چی‌لیق، خارجی دوشمنلیگی و آیری سئچکیلیگین هر نؤوعونه قارشی گوج بیرلیگی ائتمک مجبوریتینده‌دیرلر.

پرزیدنت اردوغانین پاپ فرانسیس ایله گؤروشمه‌سی، عرقچیلیغین، خوش گؤروسوزلویون، جهالتین و زوراکیلیغین گئتدیکجه آرتدیغی بیر دونیادا، باریش، تهلوکه‌سیزلیک و دوستلوغون اورتاق گوندم اولدوغو بیر چالیشما دوغوراجاق اؤنملی بیر فورصت کیمی قارشیلانمالی‌دیر.



ایلگیلی‌لی خبرلر