ایران: ترور هؤرگوتلرینی اؤلکه‌نیزده توتمایین

ظریف، دوشمنلرین ایرانین آوروپا ایله ایلیشکیلرینه ضربه وورماق اوچون مختلیف بهانه‌لر ایر‌لی سوردویونو قید ائتدی

ایران: ترور هؤرگوتلرینی اؤلکه‌نیزده توتمایین

ایران خاریجی ایشلر باخانی محمد جواد ظریف، آوروپا اؤلکه‌لرین‌دن ترور هؤرگوتلرینی اؤلکه‌لرین‌ده توتمامالارینی ایسته‌دی.

خاریجی ایشلر باخانلیغین‌دان وئریله‌ن یازی‌لی آچیقلامایا گؤره ظریف، فرانسا، بلژیک و هلندین تهران ائلچیلری ایله بیر آرایا گلدیگی گؤروشمه‌ده تاریخی ایلیشکی‌لره ایشاره ائد‌رک بو اؤلکه‌لرین ترور هؤرگوتلرینی باریندیرماقدان وازگئچمه‌سی لازیم اولدوغونو سؤیله‌دی.

ظریف، دوشمنلرین ایرانین آوروپا ایله ایلیشکیلرینه ضربه وورماق اوچون مختلیف بهانه‌لر ایر‌لی سوردویونو قید ائتدی.

تهران رهبرلیگی، "ترور هؤرگوتو" اولاراق قبول ائتدیگی خالقین مجاهیدلری هؤرگوتونون آوروپاداکی فعالیتین‌دن راحاتسیز‌لیغینی تئز تئز دیله گتیریر. گئچن آی پاریس‌ده خالقین مجاهیدلری هؤرگوتونه باغلی ایران میلی مقاومت شوراسی، ایران‌داکی حاکمیتی هدف آلان بیر تدبیر دورنله‌دی.

آمریکا پرزیدنتی دونالد ترامپا یاخین‌لیغی ایله تانینان اسکی نیویورک بلدیه باشقانی رودی جولیانی و عرب اؤلکه‌لرین‌دن بعضی یوکسک سویه‌لی شخصلرین ده ایشتیراک ائتدیگی تدبیره سالدیری حاضیرلیغین‌دا اولدوغو ادعاسییلا، آلمانیادا، ایران‌لی بیر دیپلومات و بلژیکده ۲ ایران وطنداشی توتوقلانمیشدی.

دیپلوماتین اتریشین وین ائلچیلیگین‌ده خیدمت ائد‌ن بیر ایران‌لی اولدوغو اورتایا چیخمیشدی.

۶ جولایدا ایسه هلند، ایران ائلچیلیگین‌ده وظیفه‌لی ایکی دیپلوماتی سینیردیشی ائتمیشدی.



ایلگیلی‌لی خبرلر