Ärdoğan törek ğalimnären ilgä qaytarırğa teli

Ul dön’yanıñ här tarafındağı millättäş belgeçlärne fän häm texnologiyä üseşendä qatnaşırğa çaqırdı

erdogan teknofest.jpg

İlbaşı Räcäp Tayyip Ärdoğan “Texnofest İstanbul” aviaśiyä, ğaläm häm texnologiya festivalendä qatnaşıp çığış yasadı. Çara dön’yanıñ iñ zur aêroportı - İstanbulnıñ Yaña aêroportında oyıştırıldı.

 Ärdoğan üz çığışında törek ğalimnäreneñ ilgä qaytuın başlatuların söyläde. Ul dön’yanıñ här tarafındağı millättäş belgeçlärne fän häm texnologiyä üseşendä qatnaşırğa çaqırdı. İlbaşınıñ çığışında texnologiyäneñ ähämiyäte assızıqlandı. “Bügenge dön’yada çın mäğ’nädä bäysezlekneñ berençe şartı - texnologiyälärne uylap çığaruçı, citeşterüçe häm satuçı il xälenä citü,”-dide ul. Ärdoğan texnologik üseşneñ berençe êtabı - xıyallana belü dip sanıy. “Bez Törkiyägä närsä qazandırsaq ta, xıyallarıbız artınnan kitep qazandırdıq. Texnofestnıñ bertörle çäçräp çığu çarası buluına ışanam,”-dip söyläde ilbaşı.

Xökümät räise çorında Ärdoğan saqlanu sänağätendä zur alğarış başlatuın belderde. “Tank, boralaq, keşesez hawa apparatı şikelle bik küp texnikanı äzer kileş satıp alu proyektların ğamäldän çığarıp, milli häm original’ model yasaw êşen başladıq. Xäzer ilebezdä 600dän artıq saqlanu sänäğate proyektı bar,”-dide ul.

İlbaşı finans, sälamätlek saqlaw, ênergetika texnologiyälären cirle häm milli bularaq çığarıp ilneñ bäysezlekkä ireşäçägen assızıqladı. Ul ğalimnärne kire qaytaru öçen xalıqara lider tikşerenüçelär programmasın başlawların belderde.  



Bäyläneşle xäbärlär