Törkiyä qorallı köçläre internetta fotolar urtaqlaştı

Anda Äsäd rejimı, terror oyışmaları häm qayber imperialist köçlär tarafınnan cir belän ber itelgän Xälep, Rakka häm Könçığış Guta, Ğıyraqnıñ Musul şähäre fotoları quyılğan

rakka, dogu guta.jpg
afrin.jpg
musul.jpg

“Zäytün botağı” xäräkätendä tınıç xalıq häm tarixi qorılmalar zarar kürä digän ğayepläwlärgä Törkiyä qorallı köçläre Twitter säxifäsendä cawap birde. Ul törek häm ingliz tellärendä. Anda Äsäd rejimı, terror oyışmaları häm qayber imperialist köçlär tarafınnan cir belän ber itelgän Xälep, Rakka häm Könçığış Guta, Ğıyraqnıñ Musul şähäre fotoları quyılğan. Şular yanında Afrinnıñ “Zäytün botağı” xäräkätennän soñğı räsemnäre. Şunda uq: “Tınıç xalıq, tirä-yün, tarixi äsärlär häm dini-mädäni qorılmalar Törkiyä Qorallı köçläre öçen qağılğısız,”-yazması urnaştırılğan.

Fotolarda AQŞnıñ yärdämen aluçı PKK/PYD-YPGnıñ DEAŞ belän suğışunı säbäp itep Rakkanı nindi xälgä kiterüen, Bäşşar Äsäd rejimı höcümnärennän soñ Xälep häm Könçığış Gutada xäräbägä äwerelgän binalarnı kürergä mömkin. Gıyraqtağı Musul da DEAŞtan çistartılğanda tulısınça diyärlek cimerelä.

Çağıştıru öçen Afrin räsemnäre quyılğan. Törkiyä Qorallı köçläreneñ “Zäytün botağı” xäräkäte barışında şähärneñ zarar kürmäwe ap-açıq kürenä.  



Bäyläneşle xäbärlär