“Ber tönne kötmägändä Afrinğa da kilerbez”

Törkiyä ilbaşı bu xaqta Êlazığda “Ğadälät häm qalqınu” partiyäseneñ 6 nçı kongressında yasağan çığışında citkerde

“Ber tönne kötmägändä Afrinğa da kilerbez”

 

 Törkiyä ilbaşı Räcäp Tayyip Ärdoğan Êlazığda “Ğadälät häm qalqınu” partiyäseneñ 6 nçı kongressında çığış yasadı.

Ärdoğan üz çığışında tübändägelärne citkerde:”Süriyäneñ Afrin qalasındağı terrorçılar täslim bulmağan oçraqta töbäkkä operaśiya oyıştırırbız. Minbiçtä, İdlibtä bulğanı kebek ber tönne kötmägändä Afrinğa da kilerbez häm bu 1 atna da däwam itmäs”.

Amerika Quşma Ştatlarınıñ “PKK” separatist terror oyışmasınıñ Süriyädäge törkeme “YPG”ğa qoral yärdämenä dä tuqtalğan ilbaşı bolay dide:” Terrorçığa uniforma kiderep ,binasına ilegezneñ bayrağın êlep quyu belän çınbarlıqlar yuqqa çıqmıy. Töbäkkä kiterelgän qoralnıñ ber öleşe xäzerdän ük yuğarı bäyägä satıla , ber öleşe isä bezgä qarşı qullanıla”.

Törkiyä ilbaşı Êlazığdağı çığışın tübändägeçä däwam itterde:” Cärablustan Äl Babqa qadärge liniyädä terror oyışması ”DEAŞ”nıñ 3 meñ terrorçısın yuqqa çığardıq. Kiräk bulsa bu cirlärdä tağın 3 meñ terrorçını yuq itärbez. Bez bu fetnä çoqırın yabu,kümü mäs’äläsendä qatğıybız”.

 



Bäyläneşle xäbärlär