Änkarada tatar şağire Därdmänd añlatıldı

Törkiyä başqalası Änkarada tanılğan tatar şağire Därdmändneñ tormışına häm êşçänlegenä, icatına bağışlanğan cıyılış uzdı.

Änkarada tatar şağire Därdmänd añlatıldı
Tatar ädäbiyatınıñ filosof şağire Därdmänd
Tatar ädäbiyatınıñ filosof şağire Därdmänd

2019nçı yılnıñ 2nçe may könne Törkiyä başqalası Änkarada tanılğan tatar şağire Därdmändneñ tormışına häm êşçänlegenä, icatına bağışlanğan cıyılış uzdı.

Fänni cıyında çığış yasawçı Roza Qorban häm İlyas Miftaxov belän “Törkiyä awazı” öçen uy-fikerläre belän urtaqlaşuın soradıq.

Änkara Hacı Bayram Väli universitetınıñ tyurkologiya cämğiyäte oyıştırğan fänni cıyın, şähitlärne ber minut tınlıq belän iskä alınğannan soñ Törkiyäneñ milli gimnı belän başladı.

Cıyılışta çığış yasağan ädäbiyat belgeçe, tikşerenüçe häm yazuçı Roza Qorban Därdmändneñ tormışın häm äsärlären añlattı.

Änkara universitetınıñ İslam tarixı bülege doktarantı İlyas Miftaxov isä “Zakir häm Şakir Rämiyevlärneñ matbuğat tarixındağı role: “Waqıt” näşriyäte misalında” digän temağa çığış yasadı.

Yasalğan fänni çığışlardan soñ Därdmändneñ şiğirläre original’ teldä yañğıradı.

“Qazan tatar ädäbiyatınıñ filosof şağire Därdmänd” isemle konferenśiya azağında çığış yasawçılarğa istälekle räxmät xatı tapşırıldı.

Mostafa Gültäkin fotosüräte



Bäyläneşle xäbärlär