Üzbäkstan “Taliban” belän söyläşülär ütkärä

Üzbäkstan Äfğanstan xökümäte belän turıdan-turı söyläşülärdä qatnaşunı oyıştıru öçen “Taliban” belän êlemtägä kerep söyläşä başlawın açıqladı

Üzbäkstan “Taliban” belän söyläşülär ütkärä

Üzbäkstan tışqı êşlär ministrlığınnan yasalğan yazma belderüdä mart ayında başqala Taşkentta oyıştırılğan Äfğanstan konferenśiyasendä qatnaşuçılarnıñ urtaq totışınıñ tormışqa aşırıluı maqsatınnan çığıp Üzbäkstan êlemtägä kergän “Taliban” xäräkäteneñ yuğarı däräcäle wäkilläre belän konstruktiv söyläşülär uzdıruı belderelde.

Açıqlawda söyläşülärdä Äfğanstanda ozaq waqıtlı tınıçlıq häm totrıqlılıq urnaştırıluı, ilneñ iq’tisadi üseş aluına qağılışlı dialog häm ike yaqlı xezmättäşlekneñ kiläçäge mäs’äläläreneñ qarap çığıluı belderelde.

Belderüdä Äfğanstan konferenśiyäsendä ireşelgän kileşülär nigezendä Üzbäkstannıñ bu ildäge wazğıyätneñ totrıqlılıqqa qawıştırıluı häm sośial’-iq’tisadi üseşkä yärdäm täêmin itügä qarağan tırışularnıñ däwam itüe assızıqlandı.

Bu qısada Üzbäkstannıñ uzğan çorda Äfğanstan xökümäte, Amerika Quşma Ştatları, Qıtay, Rusiyä, Awrasya töbäge, Kön’yaq Aziya, Urta Könçığış illäre häm Xalıqara êlemtä törkeme illäre belän bertörkem kiñäşmälärne häm söyläşülärne ütkärüe belderelde.



Bäyläneşle xäbärlär