Raxat-lukum “Soltan”

Lukumnı üzegez dä öydä bik caylı räweştä yasıy alasız

Raxat-lukum “Soltan”

“Soltan” isemle raxat-lukumnı yasar öçen bezgä tübändäge äyberlär kiräk bulaçaq:

1 stakan mannıy

2 aş qaşığı on

1 stakan şikâr qomı

5 stakan söt

1 aş qaşığı sarımay

1 çäy qaşığı vanilin

1 paket qorı slivki (törekçäse - krem şanti)

Waqlanğan kokos

Yasalışı:

Kästrül’gä mannıy, on, şikâr qomı häm söt salabız. Yaxşılap bolğatabız. Qaynap çıqqaç, 1-2 minut bolğatıp, qaynatabız. Kästrül’ne uttan alıp, vanilin, sarımay quşabız, bolğatabız häm suıtabız.

Suınğannan soñ söt yäki su belän küpertelgän slivkilarnı quşabız. Suıtqıçqa 10 minutqa quyabız. Massanı yaxşılap küpertäbez.

Buş tabaqqa waqlanğan kokos, ikençe buş tabaqqa beraz su salabız. Qaşıq belän massadan tuplar yasıybız häm yüeş qullar belän alarnı tiz genä kokoska mandırabız. Raxat-lukumnarnı tabaqqa tezäbez. Äzer tuplar östenä barmaq belän bastırabız. Barlıqqa kilgän buşlıqnı funduq yäisä fistaşki belän tutırabız. Raxat-lukumnı berniçä säğatkä suıtqıçqa quyabız. Lukumnar äzer.

Aşığız tämle bulsın!



Bäyläneşle xäbärlär