Kaygana - Qara diñgez qabartması

Bu rizıq Törkiyäneñ Qara diñgez aş-sularına kerä

Kaygana - Qara diñgez qabartması

Bügen sezgä kaygana isemle rizıqnı täqdim itäbez. Kaygana qoymaqqa oxşağan, läkin zurraq. Bu rizıq Törkiyäneñ Qara diñgez aş-sularına kerä.

Kiräkle äyberlär:

2 yomırqa

1 stakan on

Qamır qabartuçı

Yartı çäy qaşığı toz

1 stakan yarım söt

Petruşka

Yäşel suğan

Sıyıq may

Sarı may

 

Yasalışı:

Ber sawıtta yomırqalarnı tuğlıybız, söt quşabız. Bolğatıp, on, toz, qamır qabartuçı salabız. Suğan häm petruşkanı waqlap turıybız. Alarnı da sawıtqa salabız.

Tabada maynı qızdırabız, yasalğan massanı tulıp betmägän baqraç belän tabağa cäyäbez. Astı qızarğaç äyländeräbez. Äzer qamırlarnı sarı may belän sılıybız. Qabartmalarıbız yasalıp betkäç alarnı dürtkä kisärgä dä bula. Tabınğa cılı kileş yoğurt belän quyabız.

Aşığız tämle bulsın!



Bäyläneşle xäbärlär