• Video galereyası

Süriyädä wäzğıyät’

“İkmäk taba almıylar, êçärgä su yuq häm gumanitar yärdäm ireşterü çikle”

Süriyädä wäzğıyät’

BMO ğomum särqatibe süzçese Stefan Duyarriç Süriyädä rejim köçläre qamalışındağı tınıç xalıq öçen tirän borçıluın belderde. Jurnalistlar qarşında yasağan çığışında ul Könçığış Gutadağı wäzğıyät’ne añlattı. “İkmäk taba almıylar, êçärgä su yuq häm gumanitar yärdäm ireşterü çikle”,-di ul. 11nçe marttan birle Könçığış Gutadan 50 meñ keşe kitkän. Dämaşknıñ qırlarındağı sıyınu urınnarı alarnı sıydırıp beterä almıy.

Stefan Duyarriç İdlibtä dä bäreleşlär häm dähşätneñ artuına borçıla. Ul anda tınıç xalıqnıñ iminlegen saqlarğa çaqırdı.

BMOnıñ fevral’ ayında çığarğan “utnı tuqtatu” qararı äle xaman tormışqa aşırılmadı. Oyışmanıñ ğomum särqatibe bu qararnıñ böten Süriyädä ğamälgä kerüen kürergä teli.



Bäyläneşle xäbärlär