Nogayşa 209: Miraş’tıñ meyvaları em paydaları ne bolgan? (5)

Bu yuma “MİRAŞ’TIÑ MEYVALARI, EM PAYDALARI NE BOLGAN” Baresiniñ soñını aytamız...

Nogayşa 209: Miraş’tıñ meyvaları em paydaları ne bolgan? (5)

Nogayşa 209: Miraş’tıñ meyvaları em paydaları ne bolgan? (5)

Miraş’tıñ meyvaları, 

Em paydaları baresinde,

Bîr alimdiñ aytqanı

Bazı aqıyqatlardıñ soñı, 

Nav maneler bolgan:

 

Mine Ahmed Paygambar’dıñ   

Aleyhissalatü vesselam, 

Miraş’ınıñ basqa meyvası,  

İymanñ tap aqıyqatınıñ

Miraş’ta aşılganı bolgan:

 

Qaytip boladı desen,

İmannurından avvel, 

Dalalet közimen qaranganda,

Nav käinattıñ maqluqları,

Bîrbîrevine yabancı,

Muzır em qıynaltuvşı,

Em qorqutuvşı köringen...

 

Tavday üyken maqluqlar,  

İnsanga dahşet berüvşi

Jenazelerge usagan!

 

Ajel ärkimdiñ basını 

Keseberip yoqluqtıñ 

Quyularına atuvşı

Bîr jellat dep tanıngan!

 

Tögerekte esitilgen 

Barı davisler sankim, 

Ayrılıp yoq bolıyaq

Barı nav maqluqlardıñ   

Qaygıları sebebimen  

Qışqıruvları sanılgan...

     

Dalaletpen qaranganda 

Süytüp körilgeni vaqıt,

İymansız bîr qaravıştıñ  

Käinattı nav kepte  

Körsetkeni vaqıt,

Miraşpınan kelgen  

İyman’dıñ esasları, 

Maqluqlardıñ baresini,

Bizge qardaş, dos qılgan...

Aynı sosı maqluqlar 

Calal iyyesi saniyatkär

Bîr Allah’tı är dayim

Zikirminen anuvşı, 

Tespik etip ullılıgın  

Alemge bildirüvşi

Qulı bolup körilgen... 

 

Ölümler, yoq boluvlar,

Askerlerdiñ terhisindey

Vazipeden qutuluv,

Sadalar, tespihat bolgan..

 

Nav aqıyqatti tap manemen 

Körgendi kim tilese,

Sözler’ dep aytılgan 

Kitabımdıñ ‘Ekinşi’  

Em ‘Segizinşi Söz’lerinde,

Taga keñ aytqanman,   

Sosı yerge qarasın...

 

So manege ekinşi 

Bîr temsil em nav bolgan:

Seninminen ekevimiz, 

Üyken şöldey bîr yerdemiz...

Qum deñizi quyununda,   

Keşe em qarañıda,  

Qolumuzdı köralmaymız!

Qorşalavsız em yalgız 

Aş, susuz, umutsuz

Bîr alde ekende, 

Bîrden bîrge qarangıdıñ 

Pardesinden ötkerip,

Bîr maşindi akelip   

Bizge ediya etseler,  

Bizdi soga mindirseler;

Em Yannet’ke usagan  

Bîr yerge aketseler,

Sosı yerde är bîrevimizge, 

Neşe vaqıt yetiyek 

Kerek zattı berseler;

Bizdi qorşalıyaq maramatlı, 

Bîreviniñ qasında,

Arzaqımızban barabar    

Är zattı äzirleseler,

Qaydey mamnün bolurmuz?

 

Nav dünyada alimiz,

Aynı so temsildey bolgan:

Misaldeki üyken şöl,     

Dünyadıñ beti bolgan...

 

Şöldeki qum deñizi:

Basımızga kelgen aller,

Zarrelerdiñ areketimen

Zamanlar ötken üşün 

Şalqanıp turgan käinat,

Em beşare insan bolgan...

 

Är bîr insan keliyekte   

Neler bolıyaq bilmegenge

‘Yaman zatlar basıma   

Kelirme?’ dep oylaganda,

Sosınlardıñ maraqıman  

Dertleneberip turganda, 

Sosı dalalet közi,

Bılayına körsetkende;

İnsan qışqıruvını esitiyek

Bîrevdi em köralmay, 

Em iyice aşıgıp,  

Tagı em susagan 

Bîr ademdey bolganda,  

Ene sosı Miraştıñ 

Bîr meyvası, Allah’tıñ   

Razılıgı zatlarman; 

Sosı dünya köp yomart,  

İsi barı iygilik  

Bolgan bîr Haq Rab’tıñ  

Qonagına avısqan...

 

İnsanlar so Qonaqbay’dıñ     

Yani Quday Allah’tıñ 

Qonaqları, memurları;  

Keliyek zaman tagı 

Yannet’tey yarasıq,

Rahmettey köp tatli, 

Soñsız tetimliktey yarıq,  

Köringeni vaqıt,

Miraştıñ meyvalarınıñ  

Qıymatını sen özin 

Taga arüv añlarsın...

 

Mine sosı sözden soñ,  

Tıñlavşı maqamında 

Turgan adem aytadı:

Cenab-ı Haq’qa yüz miñ hamd,     

Em şükürler bolsun!

İnkärdı taslap özim 

Tap manemen inandım; 

Oñgın iman qazandım!

 

Biz de soga aytamız:

Ey qardaş biz de seni, 

Tebrik etip sıylaymız!

Cenab-ı Haq baremizdi,  

Rasül-i Ekrem Aleyhisselam’dıñ

Şefaatine bardırsın...   Amin!          

 

Savlıqpan qalıñız!

 

Yusuf ALTINIŞIK

E-mail: altinisikyusuf@gmail.com

 

 
 
 
 
 
 


Bäyläneşle xäbärlär