Nogayşa 152: Qartlarga bȋr neşe umut (5)

►Nogayşa 152: Qartlarga bȋr neşe umut (5)

Nav barede söz aytqan 

Bîr alimdiñ degenleri, 

Nav aqıyqatlar em bolgan:

“Ey endi aynı mendey 

Nav dünyaman bavları,

Kesilmege baslagan;

Em so dünyaga baylı   

Yipleri üzülmege   

Bet tutqan qartlarman,

Örmetli qurtqalar!

Nav dünyadı köp yahşı,     

Muntazam bîr şaar, saray,

Ökmünde yaratqan  

Calal iyyesi Quday,

Äş imkänı bar ma eken;

So şaarde, em sarayda,    

Köp qıymatlı qonaqları, 

Em dosları insanlarman    

Söylespesin körispesin...

Madem bileturup özi,   

Nav saraydı yasagan;  

Em özi tileyberip

Tüzetken em bezegen;

Albet är kimdiñ bilgeni: 

‘Etken bilir, bilgen söyler...

Endi basqa bîr akıyqat,

Madem nav saray, em şaardi,    

Bizge yahşı bîr qonaq,

Em bîr ticaret ornı qılgan;

So aqıyqat ökmimen    

Albet bizden tilegeni,

Em bizden beklegeni,   

Neşe tilekleri bolsa, 

Sosınlardı aytıyagı

Bîr deptermen kitabınıñ    

Bolganı kerek bolgan...

Mine sosı mübarek  

Depterdiñ eñ ullısı; 

Qırq betimen mucize,

Är taqıyqada özi,

Äş bolmasa yüz milyon 

İnsanlardıñ tillerinde

Oqunaberip gıdırgan;

Em oqıgan kîm bolsa  

Baresine nur serpken;

Em är bîr arpinde, 

En azından on savap, 

Tagı em on iygilik,

Bazı vaqıt on miñler;

Em mübarek keşelerde,

Qadir keşede bolganday

So keşediñ sırrıman  

Bîr arpine otuz miñ 

Savaplarman iygilik;

Em Yannetmeyvaları; 

Tagı Berzahsavlesi, 

Yani qabirge nurlar

Bergen sosı ullı kitap;

Haq Allah’tan bizge kelgen,  

İşi mucizemen tolgan

Quday sözi Quran bolgan...

Nav maqamda sonıman  

Yarısıyaq bîr kitap, 

Käinatta bolmagan...

Nazil bolgan zamandan  

Ta vaqtımızga kelgeşe

Özine denk keliyek 

So qasiyette bîr kitaptı,      

Äş bîrev körsetelmagan...

Madem qolımızda turgan      

Nav ullı kitap Quran,

Köklerdiñ em dünyadıñ  

Yaratuvşısı bolgan 

Calal iyyesi Haq’tıñ

Soñsız Rablıq maqamından,  

Em Qudaylıq yagından,

Em rahmetiniñ är yaqtı    

Biylep alganı betten

Bizge kelgen sözi bolgan...

Biz qullarga özinden,

Ullı üyken bîr perman  

Em rahmet qaznası bolgan...

Qaş qasiyetti mine sonday    

Barı üstinde yıygan

Ullı kitap so Quran’ga 

Sen endi alal bolup

Yapıssan yahşı bolgan!

Nege desek nav Quran’dıñ 

İşine Quday’ımız 

Är bîr dertke bîr dari,

 Är qarangıga bîr savle,

Är umutsuzlıqqa tagı,

Neşe umut tolturgan...

Sosı qasiyetlerminen      

İşi tolgan Quran’dıñ,

Abedi bîr qazna     

Bolgan sosı kitaptıñ

Aşgışı ne eken desek;

So Quran’ga inanıp  

İşindeki ökümlerdiñ

Baresine teslim bolup,

Dayim tıñlap qabul etip,    

Oqup turgan al bolgan...

Savlıqpan qalıñız...

Dr. Yusuf ALTINIŞIK

E-mail: altinisikyusuf@gmail.com