Nogayşa 148: Qartlarga bȋr neşe umut (1)

Bu yuma “QARTLARGA BȊR NEŞE UMUT” baresinde habarlasamız!

Nogayşa 148: Qartlarga bȋr neşe umut (1)

Nogayşa 148: Qartlarga bȋr neşe umut (1)

►Nogayşa 148: Qartlarga bȋr neşe umut (1)

İnsanlar qartayganda,  

Sosı yahşı dünyadan 

Köşip ketiyegin oylap

Muñunlıqqa tüskende,   

Quday betten onlarga   

Berilgen müjdeler,

Em umutlar baresinde,

Bîr alimdiñ aytqanından

Bîrinşi bîr müjde, umut, 

Nav aqıyqatlar bolgan:

 

“Ey yogar yaslarga 

Yetip bargan, köp sıylı, 

Qart qurtqa qardaşlar!

Men de sizdey bîr qartpan...

 

Qartlıgımdıñ vaqtında, 

Ara sıra tapqanım 

Umut bergen manelerdi;

Tagı sosı umutlarman   

Tabılgan rahatlıqtıñ   

Nurlarına sizlerdi,

Ortaq etkendi tilep 

Özim basımdan ötken    

Allerimdiñ bazısını,

Mine sizge aytaman:

 

Körgenim nav nurlar, 

Sosı menim yolıqqanım,

Müjde, umut esikleri,

Albet mendeki noqsan 

Manevi küşge nispet,

Körilgen em aşılgan...

 

Sizlerdiñ taza, alal,     

Manevi küşleriniz,     

Körgenim şıraqlardı,

Yarıq etip parlatıyaq...

Em tapqanım umutlardı, 

Taga artıq qılıyaq...

 

Mine sosı keliyek, 

Barı müjde, umutlardıñ, 

Tagı em savlelerdiñ

Asılı em bulagı,   

Bîr yaqtan em şeşmesi,  

Quday’ga iyman bolgan...

 

Ekinşi bîr umut, müjde,      

Nav maneler bolgan:

Qartlıqqa kirgen vaqıt,     

Sane tagı küz ekende,

Kün ekindige yetkende,      

Biyik bîr tav üstinden,

Nav dünyaga qaradım:

Sosı vaqıt bîrden maga,          

Köp acıqlı em mungun,

Bîr yaqtan em qaygılı,         

Qarangı bîr al keldi...

 

Nege desen so vaqıtta,

Öz özime oylanganda,

Körgenlerim bılay edi:

Mine özim qartayganman...   

Kündüz tagı qartaygan...

Em sane de qartaygan...    

Tagı dünya qartaygan...

So qartlıqlar işinde,    

Dünyadan ayrılıgım,  

Süygenlerimdi barı     

Taslaganım soñ vaqtım,

Maga yuvıq bolganga, 

Sosı qartlıqlar meni,  

Köp ziyada silkeledi.

 

Sosı alde ekende,   

Bîrden ilahi rahmet,  

Neşe yahşı kebimen

Yüregimge aşılıp    

Bîrden sosı acıqlı,    

Muñunlugumdı tagı,

Em ayrılıq qaygısını,  

Neşe küşli umutqa,   

Tagı parlak taselli

Savlesine avdardı...

 

Endi ey aynı mendey    

Qartaygan qardaşlar!

Rabb’imizdiñ kitabı, 

Hikmet tolıKuran’da,  

Em sonıñ yüz yerinde,

Errahmanirrahıym   

Degen sıpatlarıman  

Özin tanıtqan Allah;

 

Yani neşe maramatlı,   

Em rızıq berüvşi    

Bolganını, bizlerge,

Nav dünyada yaşagan,

Sav maramat tilegen,  

Yan tasıgan barege,

Rahmetini imdadqa,   

Yibergen Küşli Rab;

 

Em är sanede bahardı,    

Bilinmes bîr yaqtan,   

Neşe nimet, ediyaman     

Rızqqa muqtaj bizlerge,

Tolturgan em yetkergen

MaramatlıHak, Allah;

 

Em arıqlıq, acizlik    

Nispetinşe rahmetiniñ    

Nimetini taga artıq

Nav alemde körsetken

Bîr maramatlıHak Kuday

Rabb’imizdiñ rahmeti, 

Qartlıq şagında bizge, 

En üyken bîr umut,

Em en küşli nur bolgan...

 

Nav rahmetti tappaga

Asıl sebep iymanman

So Rahman’ga baylanıp, 

Tagı parzlardı kılıp,     

İtaat etken al bolgan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär