• Video galereyası

Nogayşa 140: Tört maraz em darisi (2)

Bu yuma em “TÖRT MARAZ EM DARİSİ” baresinde habarlasamız...

Nogayşa 140: Tört maraz em darisi (2)

Nogayşa 140: Tört maraz em darisi (2)

►Nogayşa 140: Tört maraz em darisi (2)

 

Ekinşi bîr maraz em, 

Ucb” degen al bolgan...

Ucbdegendiñ manesi:  

Är kim bolsa bîr insandıñ

Qayır, tagat ne bolsa,    

Etkenini köp körgeni, 

Sosı iygilikleriniñ,

Özini qutaragıyagına      

Sengeni bîr al bolgan:

 “Etken iygiliklerim,  

Barı tagatım menim,    

Baresi köz aldında...

Sav iygiliklerim menim,   

Är alda yeter maga...

Mine nav etkenlerimmen

Yennet’ke de kirermen!”   

Dep ameline sengeni,

Ucb degen küna bolgan...

 

Nav barede tagı em,

Bizge ders bergen alim,

Nav aqıyqattı em aytqan:

“Ey menim adanasım! 

Yezadan qutulıyagına 

Ümitin yoytsa insan,

So azaptan qutulmaga  

Tayanıyaq bîr noqtadı,  

Qaramaga baslar...

 

Özine qaragan zaman,  

Azaqay bîr iygiligi, 

Tagı ongınlıgı bar...

Hamen sosı iygilikke,   

Tagı ongınlıgına      

Seneberip ol insan,

“Nav amel em ongınlıqpan      

Qutularman men albet!”

Dep biraz rahatlagan... 

 

Tek aslına qarasa,  

Ameline sengeni,   

Ucb degen al bolgan,

Zaten sosı al tagı,    

Bîr üyken küna bolgan!  

Mine nav oyman insan,

Tuvraşa yoldan şıgıp...    

Yañlış bîr yolga sapqan!

 

Nege desek insandıñ  

Etkeni iygilikte,  

Em yetkeni ongınlıqta,

Äş aqqı bolmagan!     

 

Sosı etken isleri,    

Barı yahşı alleri,

Onıñ malı bolmaganga,    

“Sosınlardı men ettim.”dep

Maqtanganı ol ademdiñ     

Asla eske sıymagan!

 

Nege desek insandıñ    

Qolındaqı ne bolsa,    

Teni, barı müşesi,

Ol ademdiñ bolmagan...

Em tagı sonlardı,  

Özi özine yasamagan...

 

Yade barı tenini,     

Qıymatı bolmay sosı,   

Yerlerge atılgan da 

Yolda tabıp sonlardı,    

Özine mülk qılmagan...

 

Tuvrası nav insandıñ   

Bastan ayaqqa teni,  

Em barı müşeleri, 

Är bîrevi neşe sanat,     

Em naqışlarman bezengen...    

Sosı al, nav tendiñ,   

HikmetliYaratuvşı’dıñ  

Küşli qolından şıqqanına    

Äşkere şayit bolgan... 

 

Ullı, Yaratuvşı Kuday,  

İnsanga barı tendi,   

Yahşı bîr üydey etip

Nav ademdi so yerde,     

Amanatpan oturtqan...

 

Bîr yaqtan em qarasaq, 

Sosı tende miñlerşe  

Etilgen neşe isten 

Anca bîr tek kesegi,   

Biz insanlardıñ bolgan...

 

Em de sebepler işinde,

Eñ şerepli, quvvatlı,  

Em de bîr zat tilemege

Küşi bolgan nav ademdiñ,  

Öziniñ etkenini,   

Zannetkeni islerden,

Misal bolsa yev işkendiñ    

Yüz keseginden bîr kesegi,

Anca öziniñ bolgan...

 

Yalgız ötbek aşagandı   

Tilep ötbekke uzansa,   

Uzangan qolı tagı,

Em öziniñ bolmagan!

 

Tagı ötpektiñ biydeyini,     

Topraqtan so şıgarmagan...

Ötpek pisirgen ottı,         

İnsan özi yasamagan...

Avzına algan loqpadı,       

Şaynap yutqaşe sonı,

Em yutqan soñ bolganlardı,    

Adem özi yaratpagan...

 

Etken barı isinde,  

İnsanga tüsken pay,

Yalgız bîr zattı tilev bolgan...

Tek em tilev küşi,     

Bürtököy, em köp tar bolgan...

 

Atta eñ keñ bîr duygusı,   

Hayalı bolgan halde,  

Sosı hayalı tagı,

Estiñ oylaganlarınıñ    

Tögerek, em şetine,   

Yetip aylanalmagan...

 

Endi sosı alde insan, 

Qaytip barı bolganga    

İygilik ya qayırlarga,

“Menim!” dep iyye bolsun? 

“Sosınlardı men ettim!” dep  

Maqtansın, öktenip tursun?

 

Nav barede qalgandı,   

Keliyek yuma nasip bolsa,

Aytqandı Rab Allah,    

Nav aciz qulına  

Yengil qılsın inşallah...

 

Savlıqpan qalıñız!

 

Yusuf ALTINIŞIK

E-mail: altinisikyusuf@gmail.com



Bäyläneşle xäbärlär