"Törkiyä – törki dönyanıñ teräge"

Törki dönya xäbärläre 52

"Törkiyä – törki dönyanıñ teräge"

Üzbäkstan İlbaşı Mirziyoyev TİKA başlığı Çamnı qabul itte

Üzbäkstan İlbaşı Şavkat Mirziyoyev üktäbr’ ayında Törkiyägä yasağan räsmi säfäreneñ ike il arasındağı mönäsäbätlärne strategik urtaqlıq däräcäsenä kütärüen belderde.

TİKA Törki xezmättäşlek häm koordinaśiya agentlığı başlığı Serdar Çamnı oçraşular ütkärü öçen kilgän Üzbäkstanda İlbaşı Mirziyoyev qabul itte.

İlbaşı idaräseneñ matbuğat ofisınnan yasalğan belderügä kürä, söyläşüdä Mirziyoyev üktäbr’dä Törkiyägä yasağan säfärneñ taraflar arasındağı mönäsäbätlärne strategik urtaqlıq däräcäsenä citkerüen assızıqladı.

TİKAnıñ ildäge êşçänlegeneñ tağın da kiñäytelüeneñ möhimlegenä basım yasalğan söyläşü waqıtında xäzergä çaqlı TİKAnıñ tuplam qimmäte 23 million 600 meñ dollar bulğan 700gä yaqın proyektnı tormışqa aşıruı iskä töşerelde.

TİKAnıñ Üzbäkstandağı êşçänlegeneñ bilgele proyektlar nigezendä häm sistemalı bularaq üsterelüeneñ zarurlığına iğtibar yünältelgän söyläşüdä bu qısada "yul kartasınıñ" iñ qısqa waqıtta äzerlänep, iqtisad, mädäniyät, mäğarif, sälamätlek saqlaw, moxitnı saqlaw, turizm häm sośial' ölkälärdä alıp barılğan proyektlarnıñ arttırıluı mäs’äläsendä kileşügä ireşelüe belderelde.

TİKA başlığı Çam da Törkiyä İlbaşı Räcäp Tayyip Ärdoğan belän Premyer-ministr Binali Yıldırımnıñ yaxılıq teläklären Mirziyoyevka citkerde.

Mirziyoyevneñ täqdimnären yaqlawın assızıqlawçı Çam Törkiyä yağınıñ bu ölkädä zarur bulğannı başqarıp, bu täqdimnärneñ waqıtında häm näticäle räweştä ğamälgä kertergä äzer buluın belderde.

Şul uq waqıtta söyläşülärdä TİKAnıñ Taşkent programması koordinatorı Ali İhsan Çağlar da qatnaştı.

TİKA başlığı Serdar Çam häm yanındağı wäkillek oçraşuları qısalarında Premyer-ministr urınbasarı häm finans ministrı Camşid Koçkarov belän Premyer-ministr urınbasarı Suhrab Halmuradov belän dä küreşep söyläşte.

“Törkiyä – törki dönyanıñ teräge”

Giräsun universitetınıñ Xalıqara mädäniyät häm sänğät cämğiyäte "Qazaqstan bäysezlegeneñ 26 yıllığı” çarasın oyıştırdı.

Qazaqstannıñ Änkara tulı wäqalätle ilçese Abzal Saparbäkulı Ömär Halisdämir konferenśiya zalında ütkärelgän çarada yasağan çığışında bäysezlek köneneñ häm qazaqlar, häm dä töreklär öçen bik mäğnäle kön buluın assızıqlap äytep uzdı.

Qazaqstannıñ Änkara tulı wäqalätle ilçese Saparbäkulı: "Törkiyä – törki dönyanıñ häm bu geografiyadağı iñ möhim ile, bälki däi törki dönyanıñ terägeder”, - dip äytte.

Monnan 26 yıl êlek Qazaqstan bäysezlegen iğlan itkän çaqta ike säğättän soñ märxüm ilbaşı Turgut Özalnıñ Nursoltan Nazarbayevqa şaltıratıp, Törkiyäneñ dönyada Qazaqstannıñ bäysezlegen berençe bulıp tanığan il buluın belderüçe ilçe üzeneñ Qazaqstannıñ bäysezlek qazanuınnan soñ çit ilgä çıqqan berençe uquçı yäş’lärdän berse buluın xäterlätte.

Törkiyäneñ söyeneçen dä qayğısın da urtaqlaşuların assızıqlawçı Saparbäkulı: "İlbaşıbız da 15nçe iyül’ xain tüntäreleş kereşüennän soñ berençe bulıp Törkiyägä kilgän lider bulğan ide. Ul çaqta da: “Törkiyäneñ doşmanı, bezneñ dä doşmanıbız”, - dip äytkän ide”, - dide.

Saparbäkulı, monıñ barı tik süz genä tügel, yöräklärendä urtaqlaşqan xis buluına basım yasap: “Törkiyä köçle bulğan çaqta törki dönya da köçle bulaçaq. Nigezdä bez barı tik dus qına tügel, bez iñ ähämiyätlese täñre birgän qardäş bez”, - dip äytte.

“Mäsnävi” qırğızçağa tärcemä itelde

Konya şähär xakimiyäte Xäzräti Mäwlananıñ dönyaküläm tanılğan äsäre “Mäsnävi”ne qırğızçağa tärcemä itte.

Şähär xakimiyäte başlığı Tahir Aqyöräk jurnalistlarğa yasağan belderüendä här yıl millionnarça keşeneñ mäğlümat häm xikmät êzläw öçen Konyada Mäwlananı ziyärät qıluın äytte.

Mäwlananıñ iñ möhim äsäreneñ dönyada uqılıp añlaşıla alınuı öçen tärcemä êşçänlegen alıp baruların belderüçe Aqyöräk “Mäsnävi”ne qırğızçağa tärcemä itep näşer itülären citkerde.

Tahir Aqyöräk, bu räweşle “Mäsnävi”neñ 26 telgä tärcemä itelüenä basım yasap: "Xäzräti Mäwlananıñ tiñsez äsäre “Mäsnävi”ne 50 telgä tärcemä itü maqsatıbız bar. “Mäsnävi”ne tağın da kübräk keşeneñ uquına öleş kertergä däwam itäçäkbez”, - dip äytte.

Böten dönyada bulğanı kebek Qırğızstanda da zur qızıqsınu kürgän “Mäsnävi”neñ şiğri stile, ıslubı saqlanğan xezmätneñ berençe 3 cild-tomın Barçınay Kimsanova, 4 belän 6nçı cilden-tomın isä Ärmamat Ärgeşov qırğızçağa tärcemä itte.

“Mäsnävi” äsären Konya şähär xakimiyäte bügengä çaqlı farsı telendä original’ basması belän bergä törekçä, ğaräpçä, inglizçä, almança (nemeśça), şvedça, italiança, urduça, franśuzça, yaponça, albança, ispança, törekmänçä, tacikça, qıtayça, qazaqça, üzbäkçä, flemenkça, grekça, malayça, urısça, bosniya telendä, kördçä häm svahiliçä näşer itte.



Bäyläneşle xäbärlär