• Video galereyası

Nogayşa 137: Bismillah’tıñ sırları (2)

Bu yuma em “BİSMİLLAH’TING SIRLARI” baresinde habarlasamız...

Nogayşa 137: Bismillah’tıñ sırları (2)

Nogayşa 137: Bismillah’tıñ sırları (2)

►Nogayşa 137: Bismillah’tıñ sırları (2)

 

Bismillah’tıñ sırları   

Baresinde aytılgan  

Manelerden bîr kesegi,

Nav aytılgan mane bolgan:

 

Bismillah sözimen  

Areket etken adem,

Davletke asker bolgan  

Bîr insanga usagan...

Sosı asker är kimden     

Äş tartınmay em qorqpay,

Qanun, davlet namına    

Areket eteberip,    

Bîr basına köp üyken

Neşe isler etkendey         

Bismillah degen insan,

Allah’qa tayaganga  

İymanı nispetinşe   

Bîr köp quvvat qazangan...

 

Nav barediñ basında 

Barı maqluq ne bolsa 

Al tilimen köterediñ

Bismillah degenini” 

Aytıp bildirgen edik...

 

Sosı mane tagı em   

Qaydey boladı, desek    

Misal bolsa bîr adem,

Kelip bîr şaardiñ      

Halqını zormınan       

Bîr yerge aketse;

Em zormınan islerde,       

Barı qullıq ettirse,

Sosı alden anlaşılgan,   

Nav adem tek basına,

Öziniñ quvvatıman        

Areket etpegen.

Bolsa bolsa so adem,  

Özi bîr asker bolup    

Davlet, patşa namına

Areket etken üşün,         

Onşa isti ettirgen...

 

Aynı nav misaldey  

Her zat Quday Allah’tıñ      

Atına areket

Etken üşün, bürtököy    

Barı togım, şekirdekler,

Baslarında üykenşe       

Tereklerdi tasıgan...

Tavday üyken agaşlardı,    

İşlerine sıydırgan...

 

Em bîr meyvalı terek,          

Bismillah dep rahmettiñ

Qaznasınıñ meyvasından   

Tallarını tolturup   

Aldımızga uzatqan...

 

Ayriyeten är baqşa   

Bismillah!” dep barı   

Qudrettiñ as üyinden

Bîr qazan bolaberip  

Şeşit şeşit neşe astı,  

Yahşı, türlü meyvadı,

Pisirip bizge sungan...

 

Är bîr sıyır, tüye, qoy,   

Em eşkidey mübarek    

Ayvanlardıñ baresi,

Bismilllah dep aytqan:      

Rahmettiñ bulagından 

Süt şeşmesi bolup barı,     

Rızqımızdı yetkergen...

Quday’ımız namına,  

Eñ yahşı, eñ taza,      

Aynı yaşav suvınday    

Bîr gıdadı bizlerdiñ    

Avızına agıtqan...

 

Är bîr ösimlik, terek,   

Barı ölendiñ tagı     

Yibektey urlıqları,

Yıpyımsaq tamırları,     

Bismillah degen üşün,

Sert topraq, taslardı,      

Teseberip em ozgan...

Allah, Rahman namına, 

Dep öskeni üşün,   

Barı zat onlarga,

Moyınlarını iyip           

Qızmatlarına kirgen.

 

Basqa yaqtan em qarasaq,       

Tallar yengil öskendey,

Tagı meyva bergendey,  

Sosı qatı taspınan 

Topraqtaqı tamırdıñ

Tap yengillikpen ösgeni;  

Em yerdiñ astında, 

Yemislerdi bergeni;

 

Em de neşe köp issi   

Yazdıñ şıvaqlıgında,   

Aylarca nazik, yasıl

Ösimliktin, terektiñ  

Barı yapraqları tagı 

Küymey yas qalganı;

Barı nav alamat,      

Mucize islerdi,    

Allah’qa bermey barı,

“Öz özine boladı.” 

Degen Tabiyatşılardıñ 

Avızlarına bek avır,

Yaman toqat sogadı.  

Körmeytagan közlerine,  

Barmagını tıgadı.

 

Nav mucize allermen

Sosı inanmaytaganga,

Nav manedi aytadı: 

“En köp senin sengeniñ  

Qatılıqpan, issilik, 

Emir astında turadı.

Nege desen yibektey  

Yımsaq urlıq, tamırlar, 

Är bîrevi Hazret-i

Musa’dıñ asasınday  

Allah emrine uyup    

Tastı tesip ötedi...

 

Aynı tütün qagıtınday   

İnce, nazik yapraqlar, 

İbrahim Paygambar’dın (as)

Otta yanmaganınday 

So yapraqlar tagı em

Yazdıñ issiliginde      

Qavrulmaydı, küymeydi!

 

Mine sosı allerden  

Anlaşılgan bîr mane,

Barı zatlar bismillah dep

Allah’qa tayanadı, 

Etken barı isini,    

Haq atıman etedi!

 

Basqa qalgan manedi,   

Keliyek yuma inşallah

Aytuvdı Quday bizge, 

Nasip qılar inşallah...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär