TÖREKSOY ğomum särqätibenä Törkiyädän büläk

Törki dönya xäbärläre 41

TÖREKSOY ğomum särqätibenä Törkiyädän büläk

 

TÖREKSOY/Änkara

Xalıqara törki mädäniyat oyışması TÖREKSOY ğomum särqätibe professor Düsän Kaseinov törki tel, mädäniyat häm sänğät’ne saqlawğa öleş kertkän öçen Törkiyä Cömhüriyäte tışqı êşlär ministrlığınıň  Yuğarı xezmät bülägenä layıq buldı.

Törkiyäneň Azärbaycan, Belarus’,Gruziya, Qazaqstan, Qırğızstan ,Moldova,Üzbäkstan,Tacikstan,Törekmänstan häm Ukraina belän diplomatik mönäsäbätlär urnaştırunıň 25 yıllığı Änkarada qotlandı.

Änkara “Palas” ta uzğan çarada tışqı êşlär ministrı Mävlüt Çavuşoğlu ,TÖREKSOY ğomum särqätibe Düsän Kaseinov, 1992 nçe yılda Sovetlar Berlegennän ayırılıp bäysezlek alğan 10 ilneň tulı wäqalätle ilçeläre häm diplomatik wäkillläre , başqa illärdän küp sanda diplomatik wäkil qatnaştı.

Törki mädäniyatnı yäşätü häm kiläçäk buınnarğa citkerü missiyäsen üz östenä alğan TÖREKSOY tözelügä 25 yıl tuluın beldergän Törkiyä tışqı êşlär ministrı Mävlüt Çavuşoğlu oyışmanıň ğomum  särqätip wazıyfasın 2008 nçe yıldan birle başqaruçı professor Disän Kaseinovqa törki dönyanı üsterü häm tanıtuğa zur öleş kertkän öçen räxmätlären citkerde. Çavuşoğlu TÖREKSOY ğomum särqätibe Düsän Kaseinovqa tışqı êşlär ministrlığınıň yuğarı xezmät bülägen tapşırdı.

Büläk alğannan soň çığış yasawçı Kaseinov tuğanlıq, duslıq häm töbäktäge tınıçlıqnıň daimi buluın teläde.

Düsän Kaseinov:” Bu medal’ne barlıq sänğät’çelär häm mädäniyat ölkäsendä êşläwçelär isemennän alam. Çönki bu uňışta alarnıň öleşe bik zur”,-dide.

Törki dönyanıň YUNESKOsı kebek êşçänlek başqaruçı TÖREKSOYnıň Törkiyädä urnaşuın xäterlätkän ğomum särqätip wazıyfasına kereşkän waqıttan alıp bügenge köngä qadär berençe çiratta tışqı êşlär ministrlığı, mädäniyat häm turizm ministlığı , şulay uq Törkiyäneň barlıq oyışmaları häm tulı wäqalätle ilçeläreneň TÖREKSOY yanında buluına basım yasap räxmätlären citkerde.

 

Qazaqstan

Qazaqstan informaŝiya häm êlemtä ministrı Dauren Abayev Qazaqstanda wäkilçelekläre bulğan Törkiyä teleradiokompaniyäse TRT häm “Anadolu” agentlığınıň ike il mönäsäbätlären tağın da üsterüdä möhim küper buluına ışanuın citkerde.

Abayev Astanadağı “Kazmedia” binasında ütkärelgän Astana media atnalığı çarasınıň açılış tantanasında qatnaştı.

Abayev ”Anadolu” agentlığı xäbärçesenä yasağan belderüendä media atnalığınıň matbuğat tarmağındağı mönäsäbätlärne regional’ häm xalıqara däräcädä üsterüne tizlätäçägen belderde.

Qazaqstan häm Törkiyäneň matbuğat tarmağındağı mönäsäbätlärenä tuqtalğan Abayev “Törkiyä televideniye häm agentlıqları belän xezmättäşlek başqarırğa härwaqıt äzerbez. Qazaqstanda wäkilçelekläre bulğan Törkiyä teleradiokompaniyäse TRT häm “Anadolu” agentlığınıň ike il mönäsäbätlären tağın da üsterüdä möhim rol’ uynawlarına ışanam”dip citkerde.

Media atnasında cirle häm çit il televideniye kanalları belän bergä 90 prodyusserlıq şirkäte qatnaştı.

 

Üzbäkstan

 

Taşkentta Üzbäkstan – Rusiya Êş forumı uzdı. Üzbäkstan Rusiyägä yıllıq ciläk-cimeş häm yäşelçä êksportın 1 milliard dollarğa citkerüne maqsat itep quya.

Rusiya Federaŝiyäse sänäğät’ häm säwdä ministrı Denis Manturov belän Üzbäkstan tışqı säwdä ministrı Elyar Ganiyev räislegendä Taşkentta uzğan Êş forumında ike il êşmäkärläre belän däwlät oyışmaları räsmi zatları qatnaştı.

Forumda çığış yasawçı Ganiyev Üzbäkstannıň bıyıl  Rusiyägä êksportlağan ciläk – cimeş häm yäşelçä külämeneň 30% tiräse artuın, bu artışta Rusiyägä êksportta tamğaxanä êşlären ğadiläştergän yäşel koridor sistemasınıň möhim rol’ uynawın belderde.

Üzbäkstan tışqı säwdä ministrı Elyar Ganiyev yaqlar arasında säwdäne törleländerü yulı belän 2 yılda yıllıq tışqı säwdä külämen 8-10 milliard dollarğa citkerüneň planlaştırıluın citkerde.

Ganiyev Üzbäkstannıň yıl azağına qadär Rusiyägä 500 million dollar külämendä  yäşelçä häm ciläk – cimeş êksportlawınıň kötelüen belderde.

Rusiya Federaŝiyäse sänäğät’ häm säwdä ministrı Denis Manturov soňğı däwerdä ike il mönäsäbätläreneň tiz kamilläşüe näticäsendä ağımdağı yılnıň berençe yartıyıllığında Rusiyäneň qabat Üzbäkstannıň iň zur säwdä partnyerı buluğa ireşüen citkerde.

Manturov ike ilneň tışqı säwdäsendäge bu artışnıň daimi bulıp qaluı öçen yaqlar arasında tözelgän kileşü häm urtaq proyektlarnı tormışqa aşıru kiräklegen assızıqladı ,ileneň bu qısada Üzbäkstan belän xezmättäşlekkä äzer buluına basım yasadı.

Rusiya – Üzbäkstan Êş forumında neft’-ximiya,transport, awıl xucalığı, mediŝina ,sänäğät’ citeşterüe tarmaqlarında xezmättäşlekne üsterü belän bäyle ike yaqlı kileşülär imzalandı.

Räsmi mäğ’lümatlarğa kürä, Üzbäkstanda Rusiya kapitallı meňgä yaqın şirkät,Rusiyädä isä Üzbäkstan kapitalı belän tözelgän 569 şirkät êşli.

İke il arasındağı tışqı säwdä küläme uzğan yıl 4 milliard 200 million dollar bulğan bulsa,bıyılnıň ğinwar-avgust aylarında 3 milliard dollardan artqan.

 

 



Bäyläneşle xäbärlär