Nogayça 111: Oraza (4)

Bu yuma em “ORAZA” baresinde söz bardıramız!

Nogayça 111: Oraza (4)

Mübarek Ramazan’da      

Orazadıñ bîr hikmeti,

Allah’tan bizge kelgen    

Nimetlerdiñ şükrine

Qaraytagan beti bolgan...

Sosı bettiñ işinde em     

Neşe hikmetler tabılgan...

So hikmetlerden bîrevi,     

Nav aytılgan hikmet bolgan:

 

Bîr padşadıñ as üyinden  

Qızmetşidiñ akelgeni 

Bîr sıpraga qarşılıq,

Qızmetşige bahşis bolgan.   

Qızmetşige bahşis berip 

Asıl sıpradı yibergen 

Patşa äş eslenmese

Qaydey bîr aqmaqlıq bolgan!

 

Aynı sosı misaldey  

Cenabı Haq bizlerge,  

Türlü türlü nimetini,

Neşe sıpralar tizip 

Bizim üşün dünyadıñ   

Är yagına qurgan...

So nimetlerge qarşılıq, 

Qullarından tilegeni, 

Yalgızca şükür bolgan!

 

Nimetlerdiñ sebebleri, 

Är bîrevi qızmetşidey   

Allah’tıñ bergenini,

Bizlerge alıp kelgen   

Bîr ademdey bolgan...

Barı sosı qızmetşige,       

Neşe minnet etemiz;

Äş haqları bolmagan      

Bîr köp örmetimiz bolgan...

Oysa nimetler iyyesi,  

Rahim Rezzak Rab Allah, 

Sosı nimetler üşün,

Asıl şükürge tiyisli,   

Äş şüphe yoq özi bolgan!

 

Tagı Allah’qa şükür,

Nimetlerdi tuvradan      

Ondan bilgende bolgan...

Bîr de nimet qıymatını   

Takdir etkende bolgan.

 

Nimetlerdiñ qıymatı da;  

So nimetke muqtajlıq   

Bilingende anglaşılgan...

Ramazandıñ orazası; 

So sebepten aqıyki 

Em de alal şükürdiñ

Bizge aşgışı bolgan...

 

Nege desek mejburlıq            

Bolmayberse insanlar,

Köbi dayim toq qalganga          

Nimetlerdiñ qıymatını

Tap taqdir etalmagan!

 

Toq bolgan bazı adem, 

Quru kesek ötpektiñ,

Tagı bîr de bay bolsa,

Nimet darecesini,      

Tap manemen añlamagan...

Oysa iptar vaqtında, 

Avız aşqan zamanda, 

Quru bîr kesek ötbek,

Ademlerdiñ qasında, 

Neşe qıymat bolganına

Avzı tili şahit bolgan...

 

Ene Ramazanı şeripte,    

Patşadan yarlıgaşe,  

Orazalarını tutqan    

Barı adem nimetlerdiñ   

Qıymatını añlayberip

Manevi bîr şükürge,            

Köterilgen, yetelgan...

 

Em kündüzdeki aşagandan     

Yasaqlı bolgan üşün,

So nimetler menim tuvıl,      

Men onlardı aşamaga

Selbes, azat tuvılman.   

Sosı nimetler barı, 

Demek basqa birevdiñ

Yani meni yaratqan     

Kuday Rahman Hak Rab’tıñ  

Bizge nimeti bunlar... 

Onın malı sosınlar...

Endi avzımdı aşpay       

Emir beklep turuman!”

Dep barı nimetti,         

Nimet bilgende adem;

Mine sosı inanşı,        

Manevi bîr şükür bolgan...

 

Ene sosı allermen,      

Oraza neşe yaqtan, 

Hak’tan bizge bîr emir   

Vazipemiz şükürdiñ  

Esigini aşpaga       

Aşgış ökminde bolgan.

 

Savlıqpan qalıñız!

 

Dr. Yusuf ALITINIŞIK

E-mail: altinisikyusuf@gmail.com



Bäyläneşle xäbärlär