Nogayça 109: Sebep qaytip yaratsın? (2)

Bu yuma em “SEBEP QAYTİP YARATSIN?” baresinde habarlasamız...

Nogayça 109: Sebep qaytip yaratsın? (2)

Nogayça 109: Sebep qaytip yaratsın? (2)

Sebeplerdiñ yaravtuvşı, 

Bolmaganı baresinde,

Aytılgan manelerge,

Bu yuma tagı em      

Davam qılamız inşallah...

 

Mesela üyken sebep  

Bilingen kökte künge,  

Esli em de bilimli

Qabul etip em sonı,    

Artından da sorasaq;

Bîr şıbındıñ tenini,      

Sen yasayalırsın ma?

 

Albet kündiñ aytıyagı:        

Quday’ımdıñ bergeni

Dükkenimde savle, renk     

Em issilik köp bolgan.

Tek, şıbındıñ teninde, 

Köz, qulaq em yanday 

Neşe zatlar da bolgan...

Sonday zatlar ne menim  

Dükkenimde tabılgan,

Ne de menim küşim em   

Sosınlarga yetalgan...

 

Demek maqluqlardaqı     

Müşeler em sanatlar, 

Sebeplerdi yaratuvşı      

Boluvdan erek tutqan!  

Barı islerdiñ soñı, 

Sebeblerdiñ sebebi,  

Bîr Allah’qa qaytqan...

 

Kene basqa bîr haqıyqat:

Maqluqlardıñ baresine

Tagılgan neşe payda,

Artıgı, neşe gaya, 

Aşıq aşıq sebeplerdiñ    

Perdeleri artında,

Kerim bolgan bîr Rab’tı 

Maramatlı, hikmetli 

Bîr tek RahimAllah’tı

Aqıllarga körsetken...

 

Nege desek esi yoq  

Barı sebep, qaysı bolsa, 

Albet gayalardı oylap,

Yade paydalardı eslep   

Öz özinden is qılmas...

 

Tek, bizim körgenimiz,        

Yaratılgan är maqluq,

Yalgız bîr tek gaya tuvıl,      

Neşe bîr köp gayalardı,

Paydalarman hikmetlerdi,    

İzleyberip bar bolgan...

 

Demek Hakimem Kerim 

Bîr Allah, barı zattı,

Yasap bizge yibergen...

Sosı paydalardı oga,       

Barlıq gayası qılgan...

 

Misal bolsa nav yamgur,       

Üstümüzge kökten tüsken.

So yamgurdı yasaganday,     

Bar etkendey körülgen

Bulut, deniz em yeller,          

İnsanlardı, ayvanlardı,    

Em ösimlikti acıgandan,          

Miñ derece erek turgan...    

 

Demek sosı yamgurdı;  

Yanlılardı yaratqan, 

Em rızqını sosınlardıñ

Är dayim bermege   

Öz özine söz bergen    

Maramatlı, yaratuvşı 

Bîr Allah, hikmetimen

Barı maqluq kömegine 

Acıyberip yibergen...

 

Yamgurga nav sebepten,    

Neşe sansız paydalarman

Är yagı tolgan üşün,             

Rahmet” dep at berilgen...

Sankim sosı nimet yamgur,    

Ene sosı kebimen 

Är yagı rahmet bolup        

Tamla tamla yiberilgen...

 

Basqa bîr haqıyqat  em  

Yaratılgan barediñ  

Betlerine külgen

Ösimlik em hayvandaqı   

Barı bezek em süsler,

Aşıq aşıq gayb perdesi 

Artında turup özi, 

Sosı süspen bezekpen,

Em yarasıq sanatpan   

Özini tanıtuvdı,   

Em süydürüp bildirgendi,

Tileytegan Calallı      

Bîr Rab’tıñ “barlıgına”,   

Tagı em “birligine”,

Teren işaretler bolgan...

 

Misal bolsa bîr qonaqtıñ     

Sıprasına salganını,

Süslegen em bezegen       

Qonaqşıdın mıratı,

Qonaqtı süygenini,            

O da bilsin dep tilegen...

 

Nav misaller em oylardan    

Şıqqan mane nav bolgan:

Demek bizge özini,            

Bildirgendi, süydürgendi,  

Mırat qılgan maramatlı     

Yaratuvşı bîr Rab bolgan...

 

Ene sosı hikmetlerdi,          

Basqa neşe paydalardı,

Äş bîr sebep qaysı bolsa,     

Är yagı da aqıl tolsa,

Oylayalmas, esleyalmas...       

Eslese de yaratalmas!

 

Sebeplerdiñ baresi,   

Bolsa bolsa Allah’qa   

Neşe hikmetler üşün

Artındakı Hak Rab’tı, 

İnangan, oylaganga,

Yengil bolup köriyegi,  

Yalgız bîr perde bolgan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com

 


Bäyläneşle xäbärlär