• Video galereyası

Muğlada turizm

Töbäk turizm törlelege, mädäni qıymmätlär häm iskitkeç tabiğate belän cirle häm çit il qunaqlarına onıtılmas yal ütkärü mömkinlege birä

Muğlada turizm

Muğlağa yılnıñ täwge 6 ayında kilgän çit il turistı sanı uzğan yılnıñ şul uq çorı belän çağıştırğanda 38%qa arttı. Töbäk turizm törlelege, mädäni qıymmätlär häm iskitkeç tabiğate belän cirle häm çit il qunaqlarına onıtılmas yal ütkärü mömkinlege birä. Muğla diñgez, qom häm qoyaştan tış, törle mädäniyätlärgä xas êzlärne saqlıy. Şuña kürä monda mädäniyät turizmı üseştä.

Muğla 1480 kilometrı belän Törkiyäneñ iñ ozın yar buyı sızığına iyä. Qunaq itü ob’yektlarında 340 meñ yatu urını bar. Şähärne här yıl yaqınça 3,5 million turist zıyarät itä.

Muğla mädäniyät häm turizm mödire wäkile Filiz Karacaağaç yılnıñ berençe 6 ayında 1 millionğa yaqın çit il mösafirınıñ 2 aêroport häm 9 diñgez çik qapqasınnan kerüen belderde.

Karacaağaç qunaqlarnıñ ayıruça Bodrum, Marmaris, Fätxiyä, Datça, Dalyan, Aqyaqa häm Gökovadağı otel’lär häm yarlarında urın aluın söyli. Ul iyül’, avgust häm sentyabr’dä otel’lärdä citdi tulılıq bulacağın farazlıy.

Karacaağaç beldergänçä, Muğlağa iñ küp Angliya, Rusiyä, Ukraina, Germaniya, Pol’şadan turist kilä. “Alarnı yar buyı ozınlığı, küpsanlı qultıqları buluı, çistalığı, transport uñaylıqları cälep itä. Moña xezmät kürsätü däräcäse häm mädäni säyäxätlärne dä quşsañ, yal itüçelär telägän barlıq üzençäleklärne üz êçenä aluı kürenä,”-di  Filiz Karacaağaç.



Bäyläneşle xäbärlär