NASA Marsta tormış barlığına dälil taptımı?

Amerikanıñ aviaśiya häm ğaläm agentlığınnan belderülärençä, qızıl planetada tormış buluı açıqlanmağan

NASA Marsta tormış barlığına dälil taptımı?

Berara sośial’ çeltärdä äyläneştä bulğan “NASA Marsta tormış buluına dälil taptı, ämma yuğalttı” digän xäbär çınbarlıqqa turi kilmi. Amerikanıñ aviaśiya häm ğaläm agentlığınnan belderülärençä, qızıl planetada tormış buluı açıqlanmağan. Xäbärlärneñ ber añlaşılmawçılıqtan kilep çığuın äytälär.

Bäxäslärgä säbäp bulğan waqıyğa 1976nçı yılğa barıp totaşa. Ul çorda NASAnıñ Viking dip ataluçı modul’läre Marsqa töşep utırıp, ber mik’dar tufraqnı tikşerde. Anda bernindi organik matdä oçramadı.

2011nçe yılnıñ 26nçı noyabrendä Marsqa kitkän robot isä tufraqta da, atmosferada da organik molekulalar buluına dälillär taptı. Bu mäğ’lümattan soñ ğalimnär Viking modul’läre kitergän tufraqnı yañadan tikşerep, qayber näticälärne bastırıp çığardı. Anda belderelgänçä, 1976nçı yılda tufraqnıñ cılınuı waqıtında organik molekulalar yanğan, şul säbäple yalğış fiker tuğan. Monı qayberäylär başqaça añlap: “NASA organik molekulalarnı belmiçä yuqqa çığardı,”-diyebräk bäyäläde. Ğalimnär organik molekulalar bulğan här cirlektä tormış barlığın uylaw – döreslekkä turı kilmi di.



Bäyläneşle xäbärlär