Keniya neft’ êksportlıy başladı

Könçığış Afrika ile Keniya tarixında täwge tapqır êşkärtelmägän neft’ êksportlıy başladı

Keniya neft’ êksportlıy başladı

Däwlät başlığı Uhuru Kenyatta ilneñ Turkana vilayätendäge tantanada başlatıp cibärgän êşkärtelmägän neft’ êksportınıñ berençe küçerelüe başqarılğan bulsa, tankerlar belän yar buyına alıp barılaçaq neft’ biredän çit illär bazarına täq’dim iteläçäk.

Kenyatta açılışta yasağan çığışında: "Keniya öçen zur ber kön. Bügen yasalğan êşkärtelmägän neft’ êksportı alğa taba qarağan ozın häm näticäle yulnıñ başlanğıçı bulaçaq”, - dip äytte.

Xökümätneñ il iq’tisadın yaxşırtu maqsatınnan çığıp monnan soñğı barışta neft’ häm gaz tarmağınıñ üsterelüenä qağılışlı êşçänlekkä östenlek biräçägen äytüçe Kenyatta êşkärtelmägän neft’ citeşterüeneñ Keniyanıñ başqa illär belän bulğan iq’tisadi häm säwdä êlemtälären tağın da köçäytäçägen, ilendäge üseş häm kapital salu forsatların arttıraçağın assızıqladı.

Keniya salınaçaq üz neft’ ütkärgeçe tämamlanğançı ilneñ tön’yaq könbatışındağı Lokiçar mäydanında çığarılğan ber könlek 2 meñ belän 4 meñ miçkä êşkärtelmägän neft’ne berençe êtapta avtoyul belän maxsus cihazlandırılğan yök maşinaları belän alıp baraçaq.

İlneñ yar buyındağı Mombasa portına alıp barılaçaq neft’ biredän köymälär belän Qıtay häm Hindstan kebek illärgä êksportlanaçaq.

Lokiçar-Lamu cirlegendä 2 milliard dollar sarıf iteläçäk 890 çaqrım ozınlığındağı ütkärgeçneñ isä 2021nçe yılnıñ ikençe çiregenä taba tämamlanuı belän şuşı ütkärgeçtän 100 meñ miçkä neft’ êksportınıñ başqarıluı kötelä.

İldä berençe märtäbä Angliyanıñ “Tullow Oil” şirkäte tarafınnan 2012nçe yılda tabılğan êşkärtelmägän neft’ rezervınıñ 750 million miçkä buluı belderelä.



Bäyläneşle xäbärlär