Dön’yanıñ iñ bay keşeläre

“Forbs” jurnalı “Dön’ya milliarderları” isemlegen bastırdı

Dön’yanıñ iñ bay keşeläre

Dön’yanıñ iñ bay keşese Djeff Bezos. Monı “Forbs” jurnalı bastırıp çığarğan “Dön’ya milliarderları” isemlege açıqladı. Küp yıllar buyınça cir şarınıñ iñ bay keşese “Maykrasoft” xucası Bill Geyts sanaldı. Anı “Amazon”nıñ tözüçese häm top-menedjerı Djeff Bezos täxettän töşerde. “Forbs”nıñ isemlek tarixında berençe tapqır 100 milliard dollar çigenä çıqtılar. Şulay itep, 112 milliard dollarlıq mölkäte belän Djeff Bezos berençe urında. Bill Geyts 90 milliard dolları belän – ikençe. Öçlekne “Berkşir Xätäwêy” (“Berkshire Hathaway”) xoldingınıñ xucası Uorren Baffet tämamlıy. Anıñ xisabında 84 milliard dollar.

“Luı V’yutton” markasının xucası Bernard Arno 72 milliard dollarlıq mölkäte belät 4nçe. Feysbuknı tözegän Mark Śukerbergnıñ 71 milliard dolları bar. Ul isemlektä 5nçe.

AQŞ ilbaşı Donal’d Trampnıñ baylığı kimi başlağan – uzğan yıl 400 million dollar yuğaltqan. Ul, 200 punkt artqa küçep, 3,1 milliard dolları belän  766nçı buldı.

İsemlektä 40 törek tä urın alğan. Alarnıñ tuplam mölkäte 72,4 milliard dollar. Törkiyäneñ iñ bay keşese Murat Ülkär. Ul 4,8 milliard dolları belän dön’ya isemlegendä 422nçe.



Bäyläneşle xäbärlär