Fälästinle batır qızğa - 8 ay törmä

Ähäd ät-Tämimineñ advokatları prokurorlar taläp itkän 8 aylıq törmä cäzasına rizalaştı

Fälästinle batır qızğa - 8 ay törmä

İzrail’ mäxkämäsendä saq astında xökem itelgän fälästinle batır qız Ähäd ät-Tämimineñ advokatları prokurorlar taläp itkän 8 aylıq törmä cäzasına rizalaştı. Cirle gazetlarnıñ xäbärenä qarağanda, soñğı qararnı xärbi mäxkämä biräçäk.

16 yäşendäge Ähäd ät-Tämimine 2017nçe yılnıñ 19 dekabrendä öyenä bärep kerep alıp kitkännär ide. İnternetta çıqqan videoda batır kıznıñ üzläreneñ işegaldında İzrail’ xärbiyeneñ yanağına suğuı kürenä. Anı xärbigä höcüm itüdä ğayeplädelär. Videoda qıznıñ yanında tuğannan tuğanı Nur ät-Tämimi dä kürenä. Soñınnan anı da qulğa alıp xärbi törmägä yaptılar. Ähädneñ änise Narimannı da qızınıñ xälen soraşırğa barğan cirennän saq astına aldılar.

“Fälästinle batır qız” bularaq ta bilgele Ähäd ät-Tämimi 2012nçe yılda abıysı qulğa alınğanda İzrail’ ğaskärenä kürsätkän qarşılığı öçen İstanbulda “Xanzala qıyulıq büläge”nä layıq buldı.  



Bäyläneşle xäbärlär