• Video galereyası

Tillersonnıñ täwge xuşlaşu süzläre

Reks Tillerson wäqaläteneñ 31nçe martta betäçägen belderde

Tillersonnıñ täwge xuşlaşu süzläre

AQŞ ilbaşı Donal’d Tramp tarafınnan êşennän alınğan däwlät särqatibe Reks Tillerson wäqaläteneñ 31nçe martta betäçägen belderde. Ul mäs’älägä açıqlıq kertü öçen  jurnalistlar belän oçraştı. Anda Reks Tillersonnıñ êmośional’ buluı iğ’tibarnı cälep itte. Däwlät särqatibe kiçä ilbaşı Trampnıñ oçqıçta Kaliforniyağa kiteşli şaltıratuın söyläde. Şulay uq, ul bergä êşlägän xezmättäşlärenä räxmät belderde. “Barıbız da ilgä xezmät ittek. Min wäğ’däläremne ütädem. AQŞ armiyäse bezne saqlıy. Amerikalılar isemennän alarğa räxmätlemen. Süriyädä “utnı tuqtatu” qararın tormışqa aşırıp, meñnärçä keşeneñ ğomeren saqlap qaldıq”, dide Tillerson.

Kiçä ilbaşı Tramp sośial’ säxifä aşa Tillersonnı êştän alıp, anıñ urınına AQŞ Üzäk küzläw idaräse başlığı Mayk Pompeonı quyuın beldergän ide. Ul Kaliforniyağa oçar aldınnan Aq Yortta jurnalistlarnı cıydı häm anda Tillerson belän qayber mäs’älälärdä kileşä almawların söyläde.



Bäyläneşle xäbärlär