Angliyada möselmannarğa şikle xatlar kilde

Bu waqıyğalarnıñ Angliyanıñ törle şähärlärenä cibärelgän “Ber möselmannı cäzalandır” xatları belän bäyläneşe tikşerelä

Angliyada möselmannarğa şikle xatlar kilde

Angliyada soñğı 48 säğat’ êçendä 4 möselman deputat şikle matdä salınğan xat alğan. Başta ul Êşçe partiyäse deputatı Möxämmät Yasinğa cibärelgän ide. Soñınnan oxşaş paketlar şul uq partiyädän Rupa Xuk, Ruşanara Ali häm Afzal Xanğa kilgän.

Poliśiyädän belderülärençä, Rupa Xuknıñ ofisına kilgän xatnı şunda êşläwçe xezmätkär açqan. Anı tikşerü öçen tiz arada xastaxanägä iltälär. Paket êçendäge matdäneñ bik köçle bulmağan ağu ikäne açıqlana. Xat belän bäyle böten oçraqlar citdi räweştä kontrol’gä alınğan. Zarar kürüçe yuq.

Bu waqıyğalarnıñ Angliyanıñ törle şähärlärenä cibärelgän “Ber möselmannı cäzalandır” xatları belän bäyläneşe tikşerelä. Älege xatlarda möselmannarğa bireläçäk zararlar isemlege ballarda kürsätelgän. Süz belän höcüm itüdän başlap mäçet bombalaw yäki yandıruğa qadär bar. İsemlektä, xätta, keşe üterügä çaqıru da yazılğan. Ballar 10nan başlap 500gä qadär.

Angliyada möselmannarğa qarşı êş alıp barğan “Tell Mama” törkeme xatnıñ Brêdford, Lester, London, Kardiff häm Şeffild şähärlärenä cibärelüen belderde.

Xökümät citäkçelege bu waqıyğalarğa qarşı tiskäre fikeren äytte häm ğayeplelärneñ cäzalandırılaçağına ışandırdı. Terrorçılıqqa qarşı köräşüçe büleklär xäzer centekle tikşerü alıp bara.



Bäyläneşle xäbärlär