Puçdemon: “Kataloniyağa qarşı iñ naçar höcüm”

İspaniya xökümäteneñ Kataloniya üzidaräle idarä xökümäten tarqatu häm waqıtınnan êlek cirle saylaw ütkärü qararı Kataloniya üzidaräle citäkçelegendä reakśiya belän qarşılanğan.

Puçdemon: “Kataloniyağa qarşı iñ naçar höcüm”

Kataloniya üzidaräle citäkçelege xökümäte başlığı Karles Puçdemon Katalon räsmi televideniyese “TV3”tä yasağan belderüendä: "İspaniya xökümäteneñ 155nçe mäddäne qullanu qararı diktator Frankonıñ Kataloniya citäkçelegen tarqatudan birle Kataloniya qorılışlarına qarşı yasalğan iñ naçar höcüm”, - dip äytkän.

İspaniya xökümäten "Kataloniyanıñ üz-üzen idarä itüen häm katalonnarnıñ demokratik taläplären beterüdä gäyepläwçe Puçdemon: "Katalonnarnıñ saylaw ärcäsendä qılğan qararın İspaniya xökümäte êş bülmäsendä astın öskä kiterergä tırışa”, - dip bäyäläw yasağan.

Puçdemon İspaniya xökümäteneñ tawışqa quyıluı öçen Senatqa cibärgän 155nçe maddä belän bäyle qararğa cawapnı Kataloniya parlamentınıñ biräçägen, Kataloniya yasayaçaq yaña adımnar öçen Parlament ğomum şurasınıñ aldıbızdağı könnärdä cıyılaçağın beldergän.

Kataloniya üzidaräle citäkçelegeneñ parlament başlığı Karme Forkadel dä şul uq kanalğa birgän äñgämäsendä: "Kiregä ber genä adım da xätta yasamayaçaqbız. Çönki katalonnarnıñ demokratik bularaq saylağan legal’ wäkilläre bez”, - dip äytkän.

Forkadel İspaniya xökümäteneñ 155nçe maddäne qullanu qararın "ni qanunlığı bulğan, ni säyäsi legallege bulğan, ni dä katalonnarnıñ küpçelegeneñ yaqlawın alğan kereşü” bularaq bäyäläde häm: "Bu qarar böten çiklärne uzğan tüntäreleşter”, - dip beldergän.

İspaniya xökümäte qabul itkän Kataloniya üzidaräle citäkçelek xökümäten tarqatu häm iñ küp 6 ay êçendä waqıtınnan êlek cirle saylaw ütkärelü qararınıñ 27nçe üktäbr’dä Senatta qaralıp tawışqa quyıluı häm qabul itelüe kötelä.

Kataloniya cirle parlamentınıñ isä, 24nçe üktäbr’ sişämbe könne cıyılıp, üzäk xökümät qararına qarşı yasalaçaq adımnarnı söyläşüe kötelgän bulsa, bäysezlek iğ’lan itelüeneñ tawışqa quyıluı ixtimalı da bar.



Bäyläneşle xäbärlär