Dönya matbuğatına küzätü 16.08.2017

Qayber çit il basmalarına küzätü

Dönya matbuğatına küzätü 16.08.2017

 Amerika Quşma Ştatlarınıň “CNN” xalıqara xäbär kanalı “Törkiyä könbatışqa da könçığışqa da açıq” isemle xäbärendä Törkiyä prem’yer-ministrı Binali Yıldırımnıň bıyıl 8 nçese ütkärelgän Yunıs Ämrä institutınıň “Törekçä cäyge mäktäp” prorammasın yomğaqlaw tantanasında çığış yasawı turında yaza.

 Xäbärdän kürengänçä, üz çığışında Törkiyäneň könbatışqa da, könçığışqa da iğ’tibarsız bulmawın beldergän Binali Yıldırım süzen bolay däwam itterde:” Bezneň öçen tege yäisä bu oyışmanıň mänfäğäte tügel, ilebez häm andağı duslıq atmosferası bik möhim. Säyäsätlärebezneň töp noqtası  -millätneň qimmatläre”.

Angliyäneň “BBC” kompaniyäse “Germaniya tışqı êşlär ministrı bolay dide: “Törkiyäga iq’tisadi basım yasağanda qayber keşelärne qıyın xäldä qaldırdıq” isemle xäbärendä Germaniya tışqı êşlär ministrı Sigmar Gabriyelnıň Germaniya gazetına yasağan belderüendä tübändägelärne citkerüen belderä:” Törkiyägä qarata kisken totış kürsätep qayber keşelärne qıyın xäldä qaldırdıq”.

Alman säyäsätçeneň säyäxät kisätüenä iğ’tibar itmägän  alman turistlarnıň Törkiyä belän qızıqsınuı kimemäde.

Rusiya Federaŝiyäseneň “Sputnik” xäbär agentlığı “Törek kuxnyası könbatış kuxnyasınnan tağın da faydalıraq” isemle xäbärendä tanılğan törek tabibäse professor Canan Karataynıň törek kuxnyasınıň könbatış kuxnyasınnan  tağın da faydalı, şifalı buluı turında äytüen citkerä.

 Canan Karatay aşarğa peşerü ısulları turında belderülär yasadı. Tabibä sälamät yäşäw öçen peşerü ısullarınıň ähämiyätenä basım yasadı.

Amerika Quşma Ştatlarınıň “Turkish American News”portalı “Netflix”nıň berençe törek original serialınıň töp rol’dä uynawçı aktyerı bilgele buldı” isemle xäbärendä  zur qızıqsınu belän kötelgän älege aktyernıň  bilgele buluı turında yaza.

Älege rol’ne tanılğan aktyer Çağatay Ulusoy başqaraçaq. Serial Ğosmanlı häm törek rivayät’läre belän bergä tarixtan alınğan qaharmanlıq, batırlıq xikäyäsen aňlataçaq. Törek serialı 2018 nçe yılda kürsteläçäk.

 

 



Bäyläneşle xäbärlär